Lucas 19:47 - Dios Rimashca Shimicunami

⁴⁷ Jesusca punllantami, Taita Diospaj huasipi yachachicurca. Ashtahuanpish curacunata pushajcuna, mandashcacunata quillcajcuna, llajtata pushajcunaca, ima shinapish huañuchinatami yuyarinacurcacuna.

Mushuj Testamento Diospaj Shimi

⁴⁷ Jesusca, punllantami Diospaj huasipi yachachirca. Chashna yachachicujpipish, curacunata pushaj curacunapish, Mandashcata yachachijcunapish, llajtata mandajcunapish Jesustaca huañuchinatami yuyacurcacuna.

Lucas 19:47 Iomraidhean Croise

Mateo 21:23

Diospaj huasiman chayashpa Jesús chaipi yachachicujpimi, curacunata mandajcunapish, israelcunapaj cunaj yuyajcunapish, c'uchuyashpaca: –¿Pi mandajpitaj chashna rurangui? ¿Pitaj chashna rurachun cantaca mandarca?– nishpami tapurcacuna.

Mateo 26:55

Chaipimi Jesusca, paita japijcunataca cashna nirca: –¿Shuhuata shinachu espadacunahuan, caspicunahuan japinaman shamushcanguichij? Ñucaca Diospaj huasipica punllantami yachachishpa cancunallahuantaj carcani. Chaipica mana japircanguichijchu.

Marcos 11:18

Chashna nijta mandashcacunata quillcajcunapish, curacunata mandajcunapish uyashpaca, ima shinapish huañuchinatami yuyarircacuna. Chashna yuyarinacucushpapish Jesús yachachishcataca allimi yachachin nishpa tucuicuna uyanachicujpimi, paicunata manchashcamanta mana imata rurai tucurcacuna.

Marcos 12:12

Chai yuyachij parlohuanca paicunallatataj rimacushcata entendishpami, ima shinapish prezu japina yuyailla tucurcacuna. Ashtahuanpish tucui chaipi cajcunata manchashcamantami imata mana nishpa rircallacuna.

Marcos 14:1

Levadura illaj tandata micuna Pascua fiestapajca, ishqui punllami illarca. Chaipimi curacunata mandajcuna, mandashcacunata quillcajcunapish ima shinataj Jesustaca, umashpalla japishpa huañuchinchij nishpa yuyarinacucurcacuna.

Marcos 14:49

Ñucaca Taita Diospaj huasipica, punllantami yachachishpa cancunallahuantaj carcani. Chaipica mana japircanguichijchu. Ashtahuanpish Quillcachishcacunapi nishca shina pajtachunmi, cashnaca ruracunguichij– nircami.

Lucas 19:48

Ashtahuanpish tucuicuna pai huillashcata alli uyacujpimi, imata mana rurai tucurcacuna.

Lucas 20:19

Curacunata pushajcuna, mandashcacunata quillcajcunapish paicunata uyachishpa, chai yuyachij parlota Jesús parlashcata entendishpami, cunantaj ima shinapish japishun nircacuna. Ashtahuanpish chaipi cajcunatami mancharcacuna.

Juan 10:39

Chaimi cutinllataj ima shinapish paita japinata yuyarishpa japigrijpica, paicunapaj maquimanta llushpirishpa rircalla.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Juan 7:19

Moisesca ¿manachu cancunamanca Taita Dios Mandashcata curca? Chai mandashcataca cancunaca pi mana cazucunguichijchu. ¿Ima nishpataj ñucataca huañuchishun nicunguichigari?– nircami.

Juan 7:44

Maijancunaca Jesustaca prezu japishun yuyashpapish, mana japi tucurcacunachu.