Lucas 19:14 - Dios Rimashca Shimicunami

¹⁴ Chai llajtapi causajcuna chaita yachashpaca p'iñarishpami: “Ñucanchijta pai mandaj cachunca mana ninchijchu” nishpa huillajcunata catichishpa cacharcacuna.

Mushuj Testamento Diospaj Shimi

¹⁴ Chai runa ña rijpica, chai llajtapi causaj paita pʼiñajcunami: ‘Cai runataca, ñucanchijta mandaj cachun mana churachun ninchijchu’ nishpa, paita jarcachingapaj shuj huillajcunata catichishpa cacharcacuna.

Lucas 19:14 Iomraidhean Croise

2 SAMUEL 23:7

Maijanpish japisha nishpaca fierrohuan, mana cashpaca lanzahuanmi japincuna. Mana cashpaca chaillapitajmi tucui rupachincuna” nircami.

ISAÍAS 49:7

Gentecuna yanganchishca, llajtacuna millashca millai mandajcunapajta rurajtaca, Mandaj Dios Israelta quishpichij cambaj jucha illaj Diosca: “Jatun mandajcuna ricushpa, q'uipa mandajcuna jatarishpaca cantaca cambaj ñaupajpimi cungurishpa adorangacuna” ninmi. Paica canta agllaj, israelcunapaj jucha illaj tucuita pajtachij Diosmi.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

Lucas 14:32

Mana mishaipaj cashpaca, caishujcuna carupiraj cajpimi, ima shinapish alli tucupashun ninaman paipaj randi huillajcunata cachanman.

Lucas 19:13

Chaiman manaraj rishpami, paipaj chunga servijcunata cayashpa, chunga mina cullquita cushpaca: “Caihuanca ñuca tigramungacama randishpa, c'atushpa mirachicuichij” nishpa saquirca.

Lucas 19:15

Ashtahuanpish paica mandaj canata chasquishpami tigramurca. Ña tigramushpaca paipajta rurajcunaman cushpa saquishca cullquita mashnata mirachishcata tucuicunapajta yachangapajmi cayaj cacharca.

Lucas 19:27

Ñucata p'iñashpa mana mandaj cachun nijcunatapish pushamushpa, ñuca ñaupajpi cungata p'itichishpa huañuchichij nircami nishpami parlarca.

Juan 1:11

Paipaj cajcunapajmanmi shamurca. Ashtahuanpish paipaj cajcunaca mana chasquircacunachu.

Juan 15:18

Cai pachapaj cajcuna cancunata p'iñajpica, ñucata p'iñacushcata yuyanguichij.

1 SAMUEL 8:7

Chaimi Mandaj Diosca Samueltaca: “Tucui paicuna ima nishcataca uyailla. Mana cantachu yanganchin. Ashtahuanpish ñuca paicunata ama mandachunmari ñucata yanganchin.