Lucas 18:7 - Dios Rimashca Shimicunami

⁷ Taita Dioscarin tutapish punllapish pai agllashcacuna caparijpica, ¿manachu imatapish mana uniyashpalla paicuna mañashcata cutichinga?

Mushuj Testamento Diospaj Shimi

⁷ Taita Dioscarin, Pai agllashcacuna punllapish, tutapish caparishpa mañajpica, ¿manachu uyanga? Mana uniyashpamari uyanga.

Lucas 18:7 Iomraidhean Croise

SALMOS 88:1

Mandaj Dioslla ñucata quishpichij Taita Dioslla. Tutapish punllapish quiquinpaj ñaupajpimari mañacuni.

SALMOS 9:8

Cai pachapi causajcunataca cashcatataj rurashpami mandanga. Paica mana ñahuita ricushpalla mandangachu.

ÉXODO 22:23

Paicunata can llaquichijpi paicuna ñucata caparishpa mañajpica, ñucaca uyashpa,

ISAÍAS 40:27

Jacobpaj huahua huahua israelcuna ¿ima nishpataj cancunaca: “Mandaj Diosca ñucanchij ima shina puricujtaca mana ricucunchu. Ñucanchijta mitsana cashcataca mana yuyarinchu”? ninguichigari.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

Mateo 24:22

Chai llaqui punllacunata Dios mana utca tucuchijpica, pi mana causanmanchu. Ashtahuanpish Diosca pai agllashcacunata c'uyashcamantami, chai llaqui punllacunataca utca tucuchinga.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Mateo 7:11

Cancunaca millaicuna cashpapish, cancunapaj huahuacunamanca imatapish allicunata cunatami yachanguichij. Jahua pachapi caj cancunapaj Yayacarin, paita mañajcunamanca ashtahuan yalli allicunatamari cunga.

Lucas 11:13

Cancunaca mana allicuna cashpapish, cancunapaj huahuacunamanca imatapish allitamari cunguichij. ¿Manachu jahua pachapi caj cancunapaj Yayacarin jucha illaj Espirituta cuhuai nishpa mañajcunamanca cungalla?– nircami.

Lucas 2:37

Paica pusaj chunga chuscu huatatami viuda causarca. Chai huarmica Diospaj huasimantaca manataj anchushpami, tutapish punllapish Diospajta rurashpa, ayunashpa, mañashpa causarca.

Lucas 21:28

Chaipica cancunata quishpichina pajtamucushcata yuyashpa, cushicushpa chaparanguichijlla– nircami.

Romanos 8:33

Dios agllashcacunataca ¿pitaj juchachingari? Diosmari justificajca.

Colosenses 3:12

Dios agllashca jucha illajcuna, pai c'uyashcacuna cashcamanta shungumanta llaquij canata, cuj canata, mana jatun tucushca canata, manso shungu canata, mana p'iñarij canata churarichij.

1 Tesalonicenses 3:10

Cancuna crishcapi manaraj yachashcacunata yachachingapaj, cancunata ñahui ñahui ricunaman ringapajpishmi, tutapish punllapish Taita Diosta mañacunchijlla.

2 Tesalonicenses 1:6

Cancunata llaquichijcunataca, cashcata ricuchishpami Taita Diosca llaquichinga.

1 Timoteo 5:5

Ashtahuanpish sapalla caj viudaca, tutapish, punllapish Diosta rogana, mañana yuyaillami causan.

2 Timoteo 1:3

Ñaupa yayacuna shinallatajmi ñuca Diostaca chuya yuyaihuan paipajta ruracuni. Tutapish punllapish paita mañacushpa canta yuyarishpaca, Diostaca pagui nicunillami.

2 Timoteo 2:10

Dios agllashcacuna Cristo Jesushuan shujlla tucushpa quishpichishca cachun, sumaj huiñai causaita charichunmi, paicunata c'uyashcamanta tucui llaquita apacuni.

Tito 1:1

Taita Diospajta ruraj, Jesucristopaj apóstol Pablomi cani. Taita Diosca pai munashca shina crij cachunca ñaupamanmi agllashca. Chaicunataca Diosta yuyarijtaj cachunca mana nij tucushpalla ima shina canatataj yachachichun cachashcami cani.

1 Pedro 1:1

Jesucristopaj apóstol Pedromi, quiquin llajtamanta llujshishpa caita chaita rishpa Pontopi, Galaciapi, Capadociapi, Asiapi, Bitiniapi causacujcunaman quillcani.

2 Pedro 3:9

Mandaj Jesusca ima nishpataj mana utca shamun nishpa maijancuna nicujpipish, mana paicuna yuyashca shinachu. Ashtahuanpish shujllapish ama chingarichun nishpa tucuicuna mana allita ruracushcata saquishpa cutirichun nishpa ñucanchijta llaquishcamantamari manaraj shamun.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.