Lucas 18:43 - Dios Rimashca Shimicunami

⁴³ Shina nincami ricuita chasquishpa, Taita Diosta sumajyachishpa Jesusta catirca. Tucui chaipi cajcunapish ricushpaca, Taita Diostami alabarcacuna.

Mushuj Testamento Diospaj Shimi

⁴³ Jesús chashna nijpi, paipaj ñahui ña ricujpimi chai runaca, Taita Diosta jatunyachishpa, Jesusta catishpa rirca. Chashna alliyachijta ricujcunapish, tucuicunami Taita Diostaca alabarcacuna.

Lucas 18:43 Iomraidhean Croise

SALMOS 107:15

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 107:8

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 146:8

Mandaj Diosca mana ricujcunapaj ñahuita pascajmi. Mandaj Diosca urmashcacunata jatarichijmi. Mandaj Diosca cashcata rurajcunata c'uyajmi.

SALMOS 30:2

Mandaj Taita Dioslla, canta mañarcanimi alliyachihuarcanguimi.

ISAÍAS 35:5

Ñahui mana ricujcunapaj ñahuicunatapish pascashcami canga. Mana uyajcunapaj rinrincunatapish pascashcami canga.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 21:14

Diospaj huasipi Jesús cajpimi, mana ricujcunapish, chulla chaqui illajllacunapish paipajman c'uchuyamujpi alliyachirca.

Mateo 9:8

Chaita ricushpaca, tucuicuna mancharinacushpami, Taita Diosca runacunamanmi cai tucui rurai tucunata cushca nishpa Taita Diostaca jatunyachircacuna.

Lucas 13:17

Jesús chashna nijpica tucui paita p'iñacujcunami achcata pingarircacuna. Ashtahuanpish chai tucui achcacunaca Jesús chai alli sumajcunata rurajta ricushpaca achcatami cushicurcacuna.

Lucas 19:37

Olivos urcu uriman chayagricujpimi, paita catij achcacunaca Taita Diosta allimari cangui nishpa sinchita caparircacuna. Tucui mancharinacunata rurajta ricushcamantami, cashna caparircacuna.

Lucas 4:39

Jesusca chai ungushcapajman rishpa cumurishpaca: –Cai ungüi, anchui– nishpami rimarca. Ungüi anchujpica chai huarmica jatarishcahuan paicunaman cararcallami.

Lucas 5:26

Chaipica tucuicuna mancharinacushpami, Diostaca sumajmari cangui nircacuna. Paicunaca manchaihuan junda cashpami: –Cunanca mancharinacunatamari ricushcanchij– nircacuna.

Lucas 9:43

Taita Diospaj poderca jatun cashcata ricushpaca, tucuicunami achcata mancharircacuna. Tucuicuna pai imalla rurashcata ricushpa mancharinacucujpimi, Jesusca paipaj yachacujcunata cashna nirca:

Hechos 11:18

Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna: –¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 4:21

Paicuna pi mana rurai tucuipajta rurajta ricushpa, tucuicuna Taita Diosta allimari cangui nicushcamantami ima shina mana llaquichi tucurcacuna. Chaimantami chai runamantaca ñataj piman huillanguichijman nishpa manchachishca q'uipaca cacharishpa cacharcallacuna.

Gálatas 1:24

Chaimi ñucamantaca, Diosta jatunyachircacuna.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.