Lucas 18:32 - Dios Rimashca Shimicunami

³² Chaipica mana israelcunamanmi cunga. Paicunaca chanzata rurashpami asingacuna. C'amishpa rimangacunami, ch'ucangacunami,

Mushuj Testamento Diospaj Shimi

³² Ñucataca, mana israelcunapaj maquipimi churangacuna. Paicunami Ñucataca pugllashpa asingacuna, cʼamingacuna, chʼucangacuna.

Lucas 18:32 Iomraidhean Croise

ISAÍAS 50:6

Chugrichijcunamanca, ñuca huashata ricuchircanillami. Barbasta chutajcunamanpish ñuca quijadusta ricuchircanillami. C'amishpa ch'ucajpipish, ñuca ñahuita ricuchircanillami.

ISAÍAS 52:14

Paipaj ñahuica ña mana ñahui shinachu carca. Paipaj cuerpoca ña mana cuerpo shinachu carca. Chaita ricushpaca achcacunami canmantaca mancharircacuna.

ISAÍAS 53:3

Runacunapurapica yanganchishca, mana nishpa shitashcami carca. Paica llaquita ima shina apanata yachajmi carca. Tucuicunami mana ricunachircanchij. Tucuicunami mana munarcanchij. Tucuicunami mana c'uyarcanchij.

MIQUEAS 5:1

Jerusalenpi causaj alli macanacunata yachajcunalla, cancunapaj llajtataca muyundijta pircaichigari. Ñucanchij llajtata quichujcunamari muyundijta shayacuncuna. Paicunami Israel llajtapaj jueztaca, varahuan quijaduspi chugrichingacuna.

Mateo 16:21

Chashna nishca pachamantami Jesusca, paipaj yachacujcunamanca cashna nishpa huillai callarirca: “Jerusalenmanca rinatajmi cani. Chaipica ancianocunapaj, curacunata mandajcunapaj, mandashcacunata quillcajcunapaj maquipi achca llaquita apashpa huañunami cani. Quimsa punllapica causarishcami cana cani” nircami.

Mateo 20:19

mana israelcunaman cujpimi, chaicunaca chanzata rurangacuna, azotingacuna, chacatangacuna. Ashtahuanpish huañuchijpipish quimsa punllapica causaringallami” nircami.

Mateo 22:6

Maijancunaca cachashca servijcunata japishpa, macashpami huañuchircacuna.

Mateo 26:67

Chashna nishpaca, ñahuipi ch'ucashpami huajtarcacuna. Maijancunaca, ñahuipi chajyachishpami,

Mateo 27:2

Jesustaca huatashcatami, mandaj Poncio Pilatopajman pusharcacuna.

Marcos 14:65

Chashna nishpaca maijancunaca ch'ucashpami, ñahuita linsohuan huatashpa huajtarcacuna. Chaimantaca: “¡Maijantaj huajtanchij huillaiyari!” nircacunami. Huasita cuidajcunapish ñahuipimi c'hajyachircacuna.

Marcos 15:1

Ñalla pacarimugrijpimi, curacunata mandajcunaca, cunaj yuyajcunahuan, mandashcacunata quillcajcunahuan, mandajcunapuralla tandanacushcacunahuanpish tandanacushpa parlanacurcacuna. Chai q'uipami Jesustaca huatashcata Pilatopajman pusharcacuna.

Lucas 18:33

azotingacunami, chai q'uipaca huañuchingacunami. Huañuchijpipish quimsa punllapica causaringallami– nirca.

Lucas 23:1

Chai q'uipami tucuicuna huaica jatarishpa, Jesustaca Pilatopajman pusharcacuna.

Lucas 23:11

Herodespish paipaj soldadocunapish, Jesusmanca jatun mandajman shina achij nicuj churanata churachij tucushpami asircacuna. Chaimantaca Pilatopajmanmi tigrachishpa cacharca.

Lucas 23:35

Tucui chaipi cajcunami Jesustaca chaparacurcacuna. Llajtata mandajcunapish asishpami: –Shujtajcunataca quishpichircami. Taita Dios cachashca Cristo cashpaca, paillataj quishpirinmanmari– nircacuna.

Juan 18:22

Jesús chashna nijpica, Taita Diospaj huasita cuidajcunamanta shujmi: –¿Curacunata mandaj cura tapujpichu chashna cutichingui?– nishpa shujta ch'ajyachirca.

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.

Juan 18:30

paicunaca: –Ima millaita mana ruraj cajpica, cambajmanca mana pushamunchijmanchu carca– nircacuna.

Juan 18:32

Paicuna chashna nishpaca, Jesús ima shina pai huañuna cashcata ñaupaman huillashca pajtachunmi chashna nircacuna.

Juan 18:35

Chaimi Pilatoca: –¿Ñucaca judiochari caniyari? Cambaj llajta runacuna, curacunata mandajcunami ñucapajmanca pushamuncuna. ¿Imatataj rurarcanguiyari?– nircami.

Hechos 2:23

Chaitaca Taita Diosca pai yachaj cashcahuanmi ima shina canata ñaupaman allichirca. Chaimantami cancunaca paitaca japishpa millai runacunapaj maquipi churashpa, chacatashpa huañuchichircanguichij.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.