Lucas 18:30 - Dios Rimashca Shimicunami

³⁰ cunan punllacunapish ashtahuan achcatami chasquinga. Shamuj punllapicarin huiñai causaitami chasquinga. Chaica chashnatajmi– nircami.

Mushuj Testamento Diospaj Shimi

³⁰ Paica, cai pachapipish ashtahuan charingami, shamuj punllapipish huiñai causaita japingami, chaica chashnatajmi— nircami.

Lucas 18:30 Iomraidhean Croise

JOB 42:10

Paihuan alli apanacuj quimsa runacunamanta mañashca q'uipami, Mandaj Diosca Jobmantaca chai tucui llaquicunata anchuchirca. Shinallataj Jobmanca ñaupa charishcamanta ishqui cutihuan yallimi tucuita curca.

SALMOS 119:103

¡Quiquinpaj shimicunaca ñuca shimipica tucuimanta yalli mishquimari! ¡Ñuca shimipica sacha chuspipaj mishquitapish mai yallimari!

SALMOS 119:111

Ima shina causanata quiquin yachachishcaca ñuca shunguta cushichij cashcamanta, ñuca japina cashcatami huiñaipaj japircani.

SALMOS 119:127

Ñucaca quiquin mandashcacunataca, curitapish yalli, ashtahuan alli curitapish yallimi c'uyarcani.

SALMOS 119:162

Ñucaca macanacuita mishashpa achca charinacunata japij shinami quiquinpaj shimicunapica yallitaj cushicuni.

SALMOS 119:72

Ñucapajca quiquinpaj shimimanta llujshishca mandashcaca huaranga huaranga curitapish, cullquitapish yallimari.

SALMOS 37:16

Cashcata rurajpaj charishcaca ashalla cashpapish, juchayuj runacuna charishcatapish yallimi.

Mateo 12:32

Runa Aichayujta maijancuna imata rimashpa c'amishcataca perdonashcami canga. Ashtahuanpish jucha illaj Espirituta p'iñashpa c'amijtaca, cunan causaipipish, shamuj causaipipish manataj perdonangachu.

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.

1 Timoteo 4:8

Aichata cuyuchinapish, asha allimi. Ashtahuanca Taita Dios yuyailla canami tucuipaj alli. Paimi cai causaipajpish, shamuj causaipajpish cusha nishcata charin.

1 Timoteo 6:6

Ashtahuanpish ima charishcallahuan cushicujcunapajca, Taita Diosta crij canaca achca cullquita japishca shinallatajmi.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.