Lucas 18:3 - Dios Rimashca Shimicunami

³ Chai pueblollapitajmi shuj viuda huarmipish causarca. Paica: “Ñucata p'iñajta imallatapish nipai” nishpami, juezpajman shamucujlla carca.

Mushuj Testamento Diospaj Shimi

³ Chai pueblollapitajmi, shuj viudapish causarca. Chai huarmica: “Ñucata llaquichicujmanta, mitsahuai” nishpa puricurcallami.

Lucas 18:3 Iomraidhean Croise

JOB 22:9

Viuda huarmicunatapish chushaj maquitami tigrachishpa cacharcangui. Yaya mama illaj huahuacunatapish maquita p'aquircanguimi.

JOB 29:13

Chingarigrijta ayudashcamantami, ñucataca bendiciarca. Viuda huarmi huacacujpipish cushichircanimi.

ISAÍAS 1:17

Allita ruranata yachaichij. Cashcata ruranata mashcaichij. Llaquichishpa quichushcacunata tigrachichichij. Yaya mama illaj huahuacunata llaquichicujpi mitsaichij. Viuda huarmicunata pi llaquichicujpi mitsaichij.

JEREMÍAS 5:28

Caruman achij nicujtami huirayancuna. Chashna millaicuna tucushpami, yallitaj llaquicunata rurancuna. Yaya mama illaj huahuacunapajca, ima allita mana rurancunachu. Huajchacunata llaquichicujpipish, mana mitsancunachu. Ashtahuanpish tucui paicunata quichushcahuanmi charijyancuna.

Mateo 5:25

Maijanpish canta imamanta juchachishpa juezpajman apacujpica ñanta ricushparaj paihuan alli tucungui. Mana chashna rurajpica, juezpajman chayachijpi, juezca soldadoman cujpi carcelpimi churanga.

Lucas 18:2

cashna nishpa parlarca: “Shuj pueblopimi Taita Diostapish, runacunatapish mana manchaj juez causarca.

Lucas 18:4

Juezca pai huillashcataca mana uyasha nircachu. Punllanta puricujllapimi, cashna yuyarirca: Taita Diostapish, runatapish mana manchanichu,

Lucas 18:5

shina cajpipish cai viuda huarmica, yallitajmi p'iñachin. Ama cutin cutin shamushpa p'iñachicuchunllaca paita p'iñajta cayashpa rimasha” nirircami.

DEUTERONOMIO 27:19

Shujtaj llajtamanta shamujcunata, yaya mama illaj huahuacunata, viudacunata, maijanpish chaicunapaj imalla rurana cashcata mana rurashpa, ashtahuanpish shujtajman tucujca llaqui tucushca cachun nijpica, tucuicuna: Chashnataj cashca cachun ninguichij.