Lucas 18:16 - Dios Rimashca Shimicunami

¹⁶ Chaimi Jesusca, yachacujcunata cayashpa cashna nirca: –Huahuacuna ñucapajman shamuchun saquichij, ama jarcaichijchu. Cai huahuacuna shina tucujcunatami Taita Diosca mandacun.

Mushuj Testamento Diospaj Shimi

¹⁶ Chaimantami Jesusca, yachacujcunata cayashpa cashna nirca: «¿Ima nishpataj jarcacunguichij? Ñucapajman huahuacuna shamuchun saquipaichij. Taita Dios mandacunca chashnacunapajmi.

Lucas 18:16 Iomraidhean Croise

GÉNESIS 21:4

Abrahamca paipaj churi Isaactaca Taita Dios mandashca shinallatajmi huacharishcamanta pusaj punllapi circuncisionta rurarca.

2 CRÓNICAS 20:13

Tucui Judá llajtapi causajcunami Mandaj Diospaj ñaupajpi paicunapaj huarmicunandij, uchilla huahuacunandij, jatun huambracunandij shayacurcacuna.

JEREMÍAS 32:39

Paicunamanca tucui causaipi ñucata cazuj cana shunguta yuyaitami cusha. Paicunallatajpish, paicunapaj huahua huahuacunapish alli causaita charichunmi chashna rurasha.

Mateo 19:14

Chaimi Jesusca: –Huahuacuna ñucapajman shamuchun saquichij, ama jarcaichijchu. Cai huahuacuna shina tucujcunatami jahua pacha Diosca mandacun– nircami.

Lucas 18:15

Huahuacunapi Jesús tuparichun nishpami apamurcacuna. Yachacujcuna ricushpaca sinchita rimashpami jarcarcacuna.

Lucas 18:17

Taita Dios paita mandachun shuj huahua shina maijanpish mana chasquijca, Taita Dios mandacujpica mana yaicungachu. Chashnatajmi canga– nircami.

Hechos 2:39

Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi– nircami.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

1 Corintios 7:14

Mana crij cusaca crij huarmimantaca, jucha illajta rurashcami. Shinallataj mana crij huarmipish crij cusamantaca chashnallatajmi. Mana chashna cajpica, cancunapaj huahuacunaca mapacunami canman. Ashtahuanpish cunanca, paicunapish jucha illajcunami.

DEUTERONOMIO 29:11

cancunapaj huahuacunapish, cancunapaj huarmicunapish, shujtaj llajtamanta shamushpa cancunapaj carpa huasicuna chaupipi causajcunapish, yantajcunamanta callarishpaca yacuta ashtajcunacamami caipi canguichij.

DEUTERONOMIO 31:12

Cai mandashcata uyashpa Mandaj Dios cancunapaj Taita Diosta manchanata yachachun, cai mandashcapi tucui imalla nishcacunata chai yuyailla tucushpa pajtachijcuna cachunca, tucui c'aricunata, huarmicunata, huahuacunata, cancunapaj pueblocunapi causaj shujtaj llajtamanta cajcunata tandachinguichij.

1 Pedro 2:2

Ashtahuanpish cunanlla huacharishca huahuacuna shina, imahuan mana chagrushca Diospajlla lecheta munaichij. Chashna cashpami quishpichishcapica huiñanguichij.