Lucas 18:14 - Dios Rimashca Shimicunami

¹⁴ Cancunaman huillanimi: Impuestota japij runarajmi huasimanca Taita Dios alli nishca tigrarca. Fariseo mañashcataca mana chasquircachu. Maijanpish jatunmi cani nirijtaca, pingachishcami canga. Mana jatun tucujtaca, jatunyachishcami canga” nircami.

Mushuj Testamento Diospaj Shimi

¹⁴ Cancunaman huillanimi: Impuestota japij runarajmi huasimanca ima juchachina illaj tigrarca. Caishujtarajmi Diosca mana uyarca. Pipish ‘Jatunmi cani’ nirijtaca, pingachishcami canga. Pipish mana jatun tucushcataca, jatun nishcami canga» nircami.

Lucas 18:14 Iomraidhean Croise

JOB 22:29

Maijan pingachishca cajpica: Jatunyachishcami canga ninguimi. Mana jatun tucujcunataca, Taita Diosmi quishpichinga.

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

JOB 9:20

Ñucaca cashcata rurajmi cani nirishpaca, ñuca quiquin shimillahuantajmi llaquipi yaicuiman. Ñucaca ima pandata mana ruraj canichu nirishpapish, millai runami caiman.

SALMOS 138:6

Mandaj Diosca tucuita yalli jatunmi. Chashna cashpapish mana jatun tucushca mañashcatami uyaracun. Ashtahuanpish jatun tucushcataca carumanta ricucunllami.

SALMOS 143:2

Quiquinpajta rurajtaca imallata rurashcata ricuchinaman ama yaicuichu. Quiquinpaj ñaupajpica, pi mana ima juchachina illajmi cani mana ni tucunchu.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

PROVERBIOS 15:33

Mandaj Diosta manchanaca, alli yachajta ruraj yachanami. Alli nishca cangapajca, mana jatun tucushca canachu.

PROVERBIOS 18:12

Jatun tucujtaca q'uipataca, llaquicunallami japin. Mana jatun tucujmari q'uipataca, alli nishca tucun.

PROVERBIOS 25:7

Mandajpaj ñaupajpi pingachishca canapaj randica, paicunaraj cayangacama shuyanamari alli.

PROVERBIOS 29:23

Jatun tucujtaca, chaillataj pingaipi churanllami. Ashtahuanpish mana jatun tucushca runataca, pai alli cashcallatajmi huaquichin.

PROVERBIOS 3:34

Mana cazushpa asijcunataca, Mandaj Diospish asingami. Ashtahuanpish alli shungucunapajca, c'uyashpa allita cunmi.

ECLESIASTÉS 9:7

Can imallata rurashcamantaca Diosca cushicushcamari. Cushicushpa cambaj micunata micuilla, cushi shunguhuan cambaj vinota ubyailla.

ISAÍAS 45:25

Israelpaj huahua huahuacunataca, Mandaj Dios ña mana juchayujchu canguichij nijpica, tucuicunami paita jatunyachingacuna.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

DANIEL 4:37

Chaimi cunanca Nabucodonosor ñucaca jahua pacha Jatun Mandajta alabani. Jatunyachini. Sumajyachini. Pai rurashcacunaca ima mana pandachu, cashcatataj rurashpa yachachijmi. Jatun tucushcacunataca cumurichijmi.

HABACUC 2:4

Riqui mana alli shunguta charijca jatun tucunllami. Ashtahuanpish cashcata rurajca, crishcallamantami causanga.

Mateo 23:12

Maijanpish jatun tucujtaca, pingachishcami canga. Mana jatun tucujtaca, jatunyachishcami canga.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Lucas 1:52

Jatun tucushca mandajcunataca anchuchishpami, mana jatun tucushcacunataca jatun nishca canapi churarca.

Lucas 10:29

Pai ashtahuan alli ricurisha nishpami chai runaca: –¿Pi shujtajtataj c'uyana cani?– nirca.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Romanos 3:20

Diospaj ñaupajpica, pi cashpapish Mandashcapi nishca ruraicunamantaca cashcata rurajmi cangui nishcaca mana cangachu. Mandashcaca juchayuj cashcallatami ricuchicun.

Romanos 4:5

Diosta mana manchaj cajpipish, justificaj Diospi crijpica, imata mana rurajpipish, pai crishcamantami justificashpa chasquin.

Romanos 5:1

Crishcamanta justificashcacuna cashpami, ñucanchijta Mandaj Jesucristomanta Dioshuan sumaj causaita charinchij.

Romanos 8:33

Dios agllashcacunataca ¿pitaj juchachingari? Diosmari justificajca.

Gálatas 2:16

Runaca Mandashcapi nishcata rurashcamantaca, mana justificashca cashcataca yachanchijmi. Ashtahuanpish Jesucristota crishcamantami justificashca tucun. Ñucanchijpish Cristota crishpa justificashca cangapajmi, Jesucristopi crircanchij. Mana, Mandashcapi nishcata rurashcamantachu, justificashca canchij. Mandashcapi nishcata rurashcamantaca, pi mana justificashca cangachu.

Santiago 4:10

Jatun Diospaj ñaupajpica, ama jatun tucuichijchu. Paimi cancunataca jatunyachinga.

Santiago 4:6

Ashtahuanpish Diosca, mana c'uyaipajta c'uyaj canatami achcata cun. Chaimantami: “Diosca valishca tucujcunataca mana ricunachin. Mana jatun tucujcunamanmi mana c'uyaipajta c'uyaj canata cun” ninmi.

1 SAMUEL 1:18

Shina nijpi Anaca: –Cambajta ruraj ñucaca ñapishchari cambaj ñaupajpi alli huarmi cashca ricurini– nishpa pai maita shamushcallatataj tigrashpaca, micurcami. Ña mana ashtahuan llaquilla purircachu.