Lucas 17:6 - Dios Rimashca Shimicunami

⁶ Chaimi Mandaj Jesusca: –Uchilla mostaza muyu shinallatapish crishcata charishpaca, cai sicómoro yurataca: “Sapindij llujshishpa, mama cuchapi tiyarigri” nijpica cazunmanllami.

Mushuj Testamento Diospaj Shimi

⁶ Shina nijpimi, Apunchij Jesusca cashna nirca: —Uchilla mostaza muyu shinallatapish crina yuyaita charishpaca, cai sicómoro yurata: ‘Caimanta anchui, jatun cuchapi tiyarigri’ nijpipish, cancuna nishcata uyashpa chaiman rinmanllami.

Lucas 17:6 Iomraidhean Croise

Mateo 14:29

Shina nijpi Jesusca: –Shamui– nijpi, Pedroca barcomanta llujshishpami, Jesuspajman cuchuyangapaj yacu jahuata puricurca.

Mateo 17:20

Jesusca paicunataca: –Cancunaca ashallata crijcuna cashcamantami mana llujshichi tucushcanguichij. Cashnatajmi nini: Uchilla mostaza muyu shinallatapish crinata charishpaca, cai urcutapish: “Caimanta chaiman ri” nijpica, rinmanmi. Imapish mana sinchi canmanchu.

Mateo 21:21

Chaimi Jesusca: –Mana caita chaita yuyashpa crishpaca, cai higo yurata chaquichishca shinallaca mana ruranguichijmanchu. Ashtahuanpish cai urcuta: “¡Caimanta anchushpa, mama cucha yacupi siririgri”! nijpica chashna tucunmanllami. Chaica chashnatajmi canga.

Marcos 4:31

Chaica mostaza muyuta tarpushca shinami. Mostazaca, cai pachapi tiyaj tucui muyucunamanta yalli uchijllami.

Marcos 9:23

Jesusca: –¿Canca cringuichu? Pipish crijpajca, tucui imapish jahuallami– nirca.

Lucas 13:19

Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.

Lucas 17:7

Cancunamanta ¿maijantaj shuj servijta charishpaca yapushpa, mana cashpaca michishpa tigramujpica: “Shamui, micuj tiyari” ninguichij?

Lucas 19:4

Chaimantaca sicómoro yura chaita Jesús pasana cajpimi, callpashpa ñaupashpa rishpa sicómoro yuraman Zaqueoca huichiyarca.

Lucas 7:13

Mandaj Jesusca chai viudata ricushpa llaquishpami: –Ama huacaichu– nirca.

Lucas 7:19

“¿Canchu chai shamuna cashcaca cangui, mana cashpaca shujtajtachu shuyana canchij?” nishpa tapugrichun Jesuspajman cacharca.

1 Corintios 13:2

Dios huillachijpi huillaj canata charishpapish, pi mana yachashcacunata tucuita entendij cashpapish, tucuita yachaj cashpapish, urcucunata shujtajman churangapaj tucui shunguhuan crij cashpapish, c'uyaita mana charishpaca, imapish mana canichu.