Lucas 17:3 - Dios Rimashca Shimicunami

³ ¡Chaimanta cancunallataj alli yuyaringuichij! Cambaj huauqui canta llaquichijpica, ama chashna ruraichu nishpa rimangui. Llaquirishpa alli tucujpica, perdonanguilla.

Mushuj Testamento Diospaj Shimi

³ Chaimanta alli yuyaihuan causaichij. Cambaj huauqui canta llaquichijpica, cunashpa jarcangui. Can jarcajpi cutirijpica, perdonangui.

Lucas 17:3 Iomraidhean Croise

SALMOS 141:5

Cashcata ruraj ñucata llaquichishpaca, pai sinchita ñucata rimashcaca ñucapaj allipajmi canga. Ashtahuanpish quiquinta mana rijsijcunapaj aceitehuanca ñuca umapica amataj churashca cachun. Ashtahuanpish ñucaca paicuna millaita rurashcata mana ricunachishpa Taita Diosta mañacujllamari cani.

ÉXODO 34:12

Cancuna maipi yaicugrin llajtaman ña yaicushpaca, chai llajtapi causajcuna cancunapaj churarishpa urmana ama cachun paicunahuan imapi tandalla ruranata pajta ari ninacunguichijman.

PROVERBIOS 17:10

Yuyaisapa runataca jarcashpa rimashcaca, rumi shungu runata patsaj cutin azotishcatapish yallimi allichin.

PROVERBIOS 27:5

Shungullapi c'uyanapaj randica, ima jarcanataca rimashpa jarcanatajmi alli.

PROVERBIOS 9:8

Ama p'iñai tucungapajca, mana cazushpa asijtaca, alli tucui nishpa ama rimanguichu. Ashtahuanpish yachaisapa runa pandaricujpi, paita jarcangui. Paica canta c'uyangamari. Yachajman yuyaita cui, paica ashtahuan yachajmi tucunga.

LEVÍTICO 19:17

Cambaj huauquita cambaj shungupi ama p'iñangui. Juchata rurajtaca sinchita rimangui. Mana chashna rurashpaca canpish juchata rurashca shinallatajmi tucungui.

Mateo 18:21

Pedro c'uchuyashpaca: –Amito, ñuca huauqui ñucata llaquichishpa juchallijpica ¿mashna cutintaj perdonasha? ¿Canchis cutincamachu perdonasha?– nishpa tapujpi,

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Efesios 5:15

Riquichij, ima shina puricushcata alli yuyarichij. Ama ch'ahuancuna shina, ashtahuanpish yachajcuna shina caichij.

DEUTERONOMIO 4:15

Mandaj Dios nina chaupimanta cancunahuan rimai punllaca, rimashcata uyashpapish pai ima shina cashcataca mana ricurcanguichijchu. Chaimanta cancunaca alli yuyaihuan canguichij.

DEUTERONOMIO 4:23

Mandaj Dios cancunapaj Taita Dioshuan cancunahuan imallata ari ninacushcataca amataj cungaringuichijchu. Labrashpa imaman rijchajcunata Mandaj Dios cancunapaj Taita Dios amataj ruranguichij nishcataca ñataj ruranguichijman.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

Santiago 5:19

Huauquicuna cancunapuramanta maijan, mana llullamanta anchurishca cajpica, maijan paita tigrachijpish,

2 Juan 1:8

Cancuna trabajashcamanta japina cashcata ñataj mana japinguichijman. Ashtahuanpish tucuitataj japingapajca alli yuyaihuan caichij.