Lucas 17:29 - Dios Rimashca Shimicunami29 Ashtahuanpish Lot Sodoma pueblomanta llujshijpica, jahua pachamanta ninahuan, azufrehuan tamyashpami tucuicunata chingachirca. Faic an caibideilMushuj Testamento Diospaj Shimi29 Chashna ruracujpi Lot ña Sodoma pueblomanta llujshijpica, jahuamanta ninahuan azufrehuan tamyashpami, tucuicunata huañuchirca. Faic an caibideil |
Ñucaca causacunimi ninmi tucuita Mandaj, israelcunapaj Taita Diosca. Chaimanta Moab llajtaca, Sodoma pueblo shinami saquiringa. Amón llajtaca, Gomorra pueblo shinami saquiringa. Chai llajtacunapica chinicunami huiñanga, cachillami tucunga. Chashnami huiñaita shitashca saquiringa. Ñuca agllashcacunapuramanta saquirishcacunami paicuna imalla charishcacunatapish quichungacuna, allpacunatapish paicunapaj cachunmi japingacuna” ninmi.
Sodoma, Gomorra pueblocunapish chai c'uchullapi caj pueblocunapish chai angelcuna shinallatajmi tucushcacuna. Paicunaca huainayana yuyaillahuan cashpami, c'aricunapurallataj, huarmicunapurallataj mana rurana cashca pinganayaj millaita rurashcacuna. Chaimantami shujtajcunapish ama paicuna shina cachun yuyachingapaj, huiñaipaj ninahuan chaicunataca llaquichishca.
Dios p'iñarishpa cachashca jatun llaquitami, machana vinota ubyaj shina paipish apanga. Diosca pai p'iñarishca jatun llaquitaca, imahuan mana chagrushca vinota shinami copapi churarca. Diospajlla angelcunapaj ñaupajpipish, Ovejapaj ñaupajpipishmi azufrehuan rupacuj ninahuan paicunataca jatunta llaquichishca canga.
Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.