Lucas 17:27 - Dios Rimashca Shimicunami

²⁷ Chai punllacunapica huambuj huasiman Noé yaicungacamami, micucurcacuna, ubyacurcacuna, cazaracurcacuna, cazarachicurcacuna. Ña pai huambuj huasiman yaicujpica, yacu juillu shamushpami tucuita chingachirca.

Mushuj Testamento Diospaj Shimi

²⁷ Huambuj jatun huasipi Noé yaicungacamaca, allita micucurca, ubyacurca, caźaracurca, caźarachicurcami. Noé ña ucuman cajpi tamya callarijpimi, allpata yacu millpujpi tucuicuna huañurca.

Lucas 17:27 Iomraidhean Croise

GÉNESIS 7:23

Cai pachapi causaiyuj caj tucuicunataca chashnami chingachirca. Gentecunamanta callarishpaca, tucui animalcunatapish, llucaj animalcunatapish, huairata purij alasyuj animalcunatapish tucuitami chingachirca. Huambuj huasipi Noehuan tucui cajcunallami saquirircacuna.

GÉNESIS 7:7

Yacu juillumanta quishpiringapajmi, Noeca paipaj huarmindij, paipaj churicunandij, paipaj churicunapaj huarmicunandij huambuj huasiman yaicurca.

ISAÍAS 21:4

Ñuca shunguca musparinmari. Caitajta ricushpaca upayanimari. Cushijlla cana tutaca manchaihuan canami tucushca.

ISAÍAS 47:11

Maimanta shamushcata mana yachashca llaquimi cambaj jahuamanca shamunga. Cambaj jahuamanca mana mitsari tucuipaj llaquimi shamunga. Can mana yuyashca llaquimi cambaj jahuamanca ñapish shamunga.

Mateo 22:30

Huañushcacuna causari punllapica, mana cazarangacunachu, cazarachinapish mana tiyangachu. Ashtahuanpish paicunaca, jahua pachapi caj Diospaj angelcuna shinami cangacuna.

Lucas 17:26

Noé causai punllacuna ima shinami carca, chashnallatajmi Runa Aichayuj shamunapajpish canga.

Lucas 17:28

Lot causai punllacunapipish chashnallatajmi micucurcacuna, ubyacurcacuna, c'atucurcacuna, randicurcacuna, tarpucurcacuna, huasichicurcacuna.

1 SAMUEL 30:16

Chai runa pushashpa rijpi chayanapajca, chai runacunaca tucui chai pambapimi mirga mirga tucushpa micucushcacuna carca, ubyacushcacuna carca. Filisteocunatapish, judacunatapish, tucuita quichushpa apashcamanta cushicushpami, fiestata ruracushcacuna carca.