Lucas 17:26 - Dios Rimashca Shimicunami

²⁶ Noé causai punllacuna ima shinami carca, chashnallatajmi Runa Aichayuj shamunapajpish canga.

Mushuj Testamento Diospaj Shimi

²⁶ Ima shinami ñaupa yaya Noé causai punllacunapi tucurca, chashnallatajmi Runa Aichayuj Ñuca shamuna punllacunapish canga.

Lucas 17:26 Iomraidhean Croise

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

GÉNESIS 6:8

Shina cajpipish Mandaj Diospaj ñahuipica, Noellami allita ruraj cashca ricurirca.

ISAÍAS 22:13

Ashtahuanpish chashna ruranapaj randica yallitajmari cushicunguichij. Huagracunata huañuchishpa, ovejacunata huañuchishpa, aichata micushpa, vinota ubyashpaca: “Micushunchij ubyashunchij cayaca ñami huañugrinchij” ninguichijmi.

Lucas 17:22

Jesusca paipaj yachacujcunataca: –Runa Aichayujpaj punllata shuj punllallatapish ricunayachina punllacuna chayamungami. Ricusha nishpapish mana ricunguichijchu.

Lucas 17:24

Runa Aichayuj shamui punllapica, jahua pachamanta relampa achij nishpa tucuita achijyachij shinami canga.

Lucas 17:27

Chai punllacunapica huambuj huasiman Noé yaicungacamami, micucurcacuna, ubyacurcacuna, cazaracurcacuna, cazarachicurcacuna. Ña pai huambuj huasiman yaicujpica, yacu juillu shamushpami tucuita chingachirca.

Lucas 17:7

Cancunamanta ¿maijantaj shuj servijta charishpaca yapushpa, mana cashpaca michishpa tigramujpica: “Shamui, micuj tiyari” ninguichij?

Lucas 18:8

Cancunaman huillanimi: Paica mana uniyashpallami paicuna mañashcata cunga. Ashtahuanpish Runa Aichayuj shamushpaca ¿cai pachapica chashna crijtaca japingachu imashi?” nircami.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.

2 Pedro 2:5

Ñaupa punllacunapi causajcunatapish Diosca mana perdonashcachu. Chai millaicunataca yacu juilluhuanmi chingachishca. Ashtahuanpish cashcata rurashpa causanata huillaj Noellatami, caishuj canchiscunandij huaquichishpa quishpichishca.

2 Pedro 3:6

Ñaupaman tiyaj cai pachapi causajcunapish chashnallataj mana crijpimi yacu juillu millpushca chingachirca.