Lucas 17:24 - Dios Rimashca Shimicunami

²⁴ Runa Aichayuj shamui punllapica, jahua pachamanta relampa achij nishpa tucuita achijyachij shinami canga.

Mushuj Testamento Diospaj Shimi

²⁴ Runa Aichayuj Ñuca shamushpaca, relampa achij nishpa, tucuita achijyachij shinami shamusha.

Lucas 17:24 Iomraidhean Croise

EZEQUIEL 1:14

Chai causajcunaca callpashpapish, relampacuna shinami cutin tigrarcacuna.

ZACARÍAS 9:14

Mandaj Diosmi, paicunataca ñaupashpa ringa. Paipaj puntajlla caspipish, relámpago shinami llujshinga. Mandaj Jatun Diosmi trompetapi tocanga. Paica, jatun acapana chaupitami puringa.

Mateo 24:27

Ashtahuanpish Runa Aichayuj shamushpaca, inti llujshin ladomanta relampa achij nishpa inti huashicun ladoman achijyachij shinami shamunga.

Mateo 24:30

Chaipimi jahua pachapi, Runa Aichayuj shamucujta ricuchij señal ricurijpi tucui cai pacha aillucunaca, Runa Aichayujca jahua pachamanta p'uyupi tucuita rurai tucuj cashcahuan, achijnicuj sumaj shamucujta ricushpa huacangacuna.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Mateo 5:15

Luzta japichishpaca, cajón ucupi churangapajca pi mana japichinchu. Ashtahuanpish huasi ucupi tiyajcunata achijyachichunmi, lámpara tiyanapi churan.

1 Corintios 1:8

Ñucanchijta Mandaj Jesucristo shamui punllapi, pi mana juchachipaj cachunmi, tucuri punllacama paillataj sinchita charinga.

1 Tesalonicenses 5:2

Cancunaca allimi yachanguichij. Mandaj Jesusca shuhua shinami tuta shamunga.

2 Tesalonicenses 2:2

Cancuna allita yuyacushcataca pi jahualla cuyuchichun ama saquinguichij. Espiritumi huillan nishpa, shimihuan rimashpapish, ñucanchij quillcashca shina tucushpa, Mandaj Jesús shamuna punllaca ñamari caillapi nijpipish ama mancharinguichij.

2 Tesalonicenses 2:8

Chai q'uipami chai millai runaca ricuringa. Chaitami Mandaj Jesusca, paipaj shimihuan p'ucushpalla huañuchinga. Pai achij nicuj shamushpami chingachinga.

Santiago 5:8

Mandaj Jesús shamunaca c'uchullapi cashcamanta, cancunapish sinchi crij tucushpa mana p'iñarishpa chai yuyailla shuyaichijlla.

2 Pedro 3:10

Shina cajpipish Mandaj Jesús shamunaca mana yuyashcapimi, tutapi shuhua shamuj shina ñapish shamunga. Chaipica imalla tiyajcunapish jahua pachapish manchanayajta c'ulun nishpa cuyurishpa tucui imalla tiyajcunapish rupashpa chingaringami. Cai pachapish tucui ima tiyajcunandij rupachishcami canga.