Lucas 17:21 - Dios Rimashca Shimicunami

²¹ “Caipimari mandacun, chaipimari mandacun” nishca mana uyaringachu. Ashtahuanpish Taita Diosca ñamari cancunapaj chaupipi mandacun– nircami.

Mushuj Testamento Diospaj Shimi

²¹ Mana ‘Caipimari, chaipimari mandacun’ nishpa pi ricuchingachu. Taita Diosca, ñamari cancunapaj chaupipi mandacun— nircami.

Lucas 17:21 Iomraidhean Croise

Mateo 12:28

Ashtahuanpish ñucaca, Taita Diospaj Espirituhuanmi supaicunataca llujshichini. Ñuca chashna rurashpaca, jahua pachamanta mandana cancunapajman ña chayamucushcatami ricuchini.

Marcos 13:21

Chai punllacunapi maijanpish cancunata: “Riquichij, Cristoca caipimari, mana cashpaca chaipimari” nijpipish, amataj cringuichijchu.

Lucas 17:23

Chai punllacunapica: “Caipimari, chaipimari” ningacunami. Chaimanca ama ringuichijchu, ama catinguichijchu.

Lucas 21:8

Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Juan 1:26

Chaimi Juanca cashna nirca: –Ñucaca yacupi bautizajllami cani, ashtahuanpish shujmari cancunapurallapitaj tiyan. Paitaca cancunaca manaraj rijsinguichijchu.

Juan 18:36

Chaimi Jesusca: –Ñuca mandaj canaca mana cai pachamantachu. Ñuca mandana cai pachamanta cajpica, judiocunapaj maquipi ama entregachun, ñucapajta rurajcunaca macanacunmanmi. Ñuca mandanaca, mana cai pachamantachu– nirca.

Romanos 14:17

Dios mandashca cajcunaca, mana micuna ubyana yuyailla canachu. Ashtahuanpish jucha illaj Espiritumantaca cashcata rurana, sumaj causai, cushicuimari.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.