Lucas 17:20 - Dios Rimashca Shimicunami

²⁰ Fariseocunaca Jesustaca: –Taita Diosca ima punllamantataj mandai callaringari– nishpa tapujpi, Jesusca: –Taita Dios mandai callarinaca mana ricunallachu canga.

Mushuj Testamento Diospaj Shimi

²⁰ Fariseocunaca, Jesustaca: —¿Ima punllataj Taita Diosca mandangapaj tiyaringa?— nishpami tapurcacuna. Chashna tapujpimi, Jesusca cashna nirca: —Taita Dios mandanaca, mana ñahui ricunallachu.

Lucas 17:20 Iomraidhean Croise

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

ZACARÍAS 4:6

Chaimantami chai angelca, ñucamanca cashna nirca: “Zorobabelmanmi Mandaj Diosca cashna nin: Mana soldadocunallahuanchu, mana c'ari c'ari macanacushpallachu mishangui. Ashtahuanpish ñuca Espirituhuanmari mishangui.

Lucas 10:11

“¡Cancunapaj pueblopi cajpi ñucanchij chaquipi ñutu allpa japirishcatapish, cancuna llaqui tucuna cashcata ricuchishpami caillapitaj chaspinchij! Ashtahuanpish caitaca yuyaripanguichij: Taita Dios mandanaca cancunapaj c'uchullapimi carca” ninguichij.

Lucas 14:1

Jesusca samana punllapimi, fariseocunata pushaj fariseopaj huasipi micugrirca. Chaipi micucujpica, shujtaj fariseocunaca Jesusta imapi juchachingapaj nishpami chaparacurcacuna.

Lucas 16:16

Mandashcacunata, profetacuna huillashcataca Bautizaj Juan ricurina punlla camami yachachircacuna. Chai q'uipaca Taita Dios ima shina mandagrin alli huillaitami huillarca. Chaimanca tucuicunami ima shinapish yaicushun nicuncuna.

Lucas 19:11

Chaita uyajcunaca Jerusalenman Jesús ñalla chayagricujpimi, Taita Diosca cunantajmari ña mandai callarigrin nishpa yuyacurcacuna. Chaipimi Jesusca cai yuyachij parlota cashna nishpa parlarca.

Juan 18:36

Chaimi Jesusca: –Ñuca mandaj canaca mana cai pachamantachu. Ñuca mandana cai pachamanta cajpica, judiocunapaj maquipi ama entregachun, ñucapajta rurajcunaca macanacunmanmi. Ñuca mandanaca, mana cai pachamantachu– nirca.