Lucas 17:2 - Dios Rimashca Shimicunami

² Ñucata catij cai uchillacunata pandachijtaca, molino rumita cungapi huatashpa, mama cuchapi shitanachari ashtahuan alli canman.

Mushuj Testamento Diospaj Shimi

² Cai uchillacunata ñitcachij canapaj randica, jatun cutana rumita cungapi huatashpa, mama cucha chaupipi shitashca canarajmi alli canman.

Lucas 17:2 Iomraidhean Croise

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 17:27

Shina cajpipish cullquita japijcunata ama p'iñachingapaj, cuchaman rishpa, chalhua japina ipita cuchapi shitashpa, punta llujshij chalhuata japishpa, shimita pascashpaca shuj cullquitami japingui. Chaitaca ñucamanta, canmantapish cugringui– nircami.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Mateo 18:14

Chashnallatajmi jahua pachapi caj cancunapaj Yayapish, cai uchillacunamanta shujllapish chingarichunca manataj munan.

Mateo 26:24

Runa Aichayujca, Quillcachishcapi nishca shinallatajmi huañugrin. ¡Aij, Runa Aichayujta huañuchichun entregaj runalla! Chai runaca mana huacharishca cashpachari, alli canman carca– nircami.

Marcos 9:42

Cai uchilla huahuacuna shina ñucata crij tucujpi pandachijtaca, maijan cajpipish cutana rumita cungapi huatashpa, mama cuchapi ucujta shitanami ashtahuan alli.

Juan 21:15

Micushca q'uipami Jesusca, Simón Pedrotaca: –Jonaspaj churi Simón, ¿canca ñucataca caicunata yallichu c'uyangui?– nijpi paica: –Ari Mandaj Jesús, ñuca canta c'uyashcataca quiquinllataj yachanguimi– nijpi Jesusca: –Ñuca bachujcunata cuidangui– nirca.

1 Corintios 9:15

Ashtahuanpish ñucaca, chai japina cashcataca mana japishcanichu. Cancuna ñucaman cuchun nishpapish mana quillcanichu. Ñucata jatunyachinata pi manaraj quichujpi huañunami alli canman.

1 Corintios 9:22

Irquicunata sinchiyachingapajca, irquicunahuanca irquimi tucurcani. Tucuicunahuanmi paicuna ima shina cajpipish, paicuna shina tucurcani. Pipish quishpirichunmi chashna tucurcani.