Lucas 17:1 - Dios Rimashca Shimicunami

¹ Jesusca paipaj yachacujcunataca cashnami nirca: “Mana alli yuyaicunaca tiyanataca tiyangallatajmi. Chai yuyaicunahuan shujtajcunata pandachijcunaca ¡aij imachari tucunga!

Mushuj Testamento Diospaj Shimi

¹ Jesusca Paipaj yachacujcunataca, cashnami nirca: —Ñitcachij millaica tiyangatajmi. Shina cajpipish maijan ñitcachijca, ¡ai, imachari tucunga!

Lucas 17:1 Iomraidhean Croise

Mateo 16:23

Ashtahuanpish Jesusca tigrarishcahuanmi Pedrotaca: –¡Ñuca ñaupajmanta anchui, Satanás! Ñuca ñitcanami tucungui. Dios imata pajtachisha nicushcataca mana entendi tucunguichu. Ashtahuanpish runacunapaj yuyaillatami entendi tucungui– nircami.

Mateo 18:7

¡Aij, cai pachapi causaj pandachijcunalla! Cai pachapica pandarinacunaca tiyanataca tiyangallatajmi. Chashna cajpipish ñucata ama catichun pandachijcunaca ¡aij, imachari tucunga!

Lucas 16:31

Shina nijpipish Abrahamca: “Moisés mandashcacunatapish, profetacuna quillcashcatapish mana uyashpaca, huañushcacunapaj chaupimanta maijan causarishpa huillajllapichu cringacunari” nircami nishpami parlarca.

Romanos 14:13

Chaimanta caishuj chaishuj ama ashtahuan juchachinacushunchijchu. Ashtahuanpish huauquita ñitcachinata, tsagnarichishpa urmachinataca ama yuyashun ninacuichij.

Romanos 16:17

Ashtahuanca caitami rogani huauquicuna. Cancuna yachashca yachanata ñitcachishpa, pandachishpa ch'icanyachijcunataca alli ricuranguichij. Paicunamantaca anchurichij.

1 Corintios 10:32

Judiocunapajpish, mana judiocunapajpish, Diospaj tandanacushca crijcunapajpish ama ñitcana caichijchu.

1 Corintios 11:19

Cancunapurapi crijtaj cashca ricurinapajca, chaupirinacui tiyanallatajmi.

1 Corintios 8:13

Chai micui ñuca huauquita urmachina cajpica, ñuca huauquita ama ñitcachingapaj aichataca manataj micushachu.

1 Timoteo 4:1

Ashtahuanpish Taita Diospaj Espirituca, allitajmi cashna huillan. Q'uipa punllacunapica, umaj espiritucunata, supaicunapaj yachachinacunata uyashpaca, taucacunami crishcataca yangallami cashca nishpa saquingacuna.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.

Apocalipsis 2:20

Shina cajpipish can rurashcacunataca caitami mana munani. Chai Jezabel huarmitamari mana jarcashpa saquinguilla. Paica profetami cani nishpamari umashpa, ñucapajta rurajcunataca huainayachun, rurashcalla dioscunaman cushcata micuchun, yachachicun.