Lucas 16:9 - Dios Rimashca Shimicunami

⁹ Ñucaca cancunataca cashnami nini: Cai pachallata yuyashpa charijyashcacunata shujtajcunaman cushpa paicunahuan alli apanacuj tucuichij. Chashna rurashca cajpimi cancuna illaj tucujpica jahua pachapi huiñaita causanapaj chasquinga.

Mushuj Testamento Diospaj Shimi

⁹ Cai pachapi chingarijlla charishcacunata shujtajcunaman cushpa, achcacunahuan apanacuichij ninimi. Chaimanta chai charinacuna cai pachapi tucurijpica, huiñaita causana jahua pachapimi cancunataca chasquingacuna.

Lucas 16:9 Iomraidhean Croise

SALMOS 73:26

Ñuca aichapish ñuca shungupish urmarinmari. Shina cajpipish ñuca shungu samarina rumica Jatun Diosmari. Huiñaipaj ñuca charinaca Jatun Diosmari.

PROVERBIOS 14:24

Yachaisapacunapajca, charijyashcami coronata churarishcata ricuchin. Ashtahuanpish ch'ahuancunaca, rumi shungu cashcahuanmi cushicuncuna.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

PROVERBIOS 23:5

¿Maitataj yangalla caj charinacunapica, cambaj yuyaita churanguiyari? Chaicunaca alas jundajpi águila jatarishpa, jahuata rij shina ñapish chingaringallamari.

ECLESIASTÉS 11:1

Cambaj tandataca yacupi cacharilla. Ña unipica, cutin japinguillami.

ISAÍAS 57:16

Ñucaca mana huiñaita llaquichicushallachu. Mana huiñaita p'iña cashachu. Ñuca chashnalla cajpica ñuca rurashca espirituyuj, almayuj runacunaca ñuca ñaupajmantaca tucuimi chingarinman.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

Mateo 19:21

Chaimi Jesusca: –Diospaj ñaupajpi tucuita pajtachij cashca ricuringapajca, can imalla charishcacunata tucui c'atushpa, huajchacunaman cugri. Jahua pachapimi, achcata charingui. Chai q'uipa ñucata catingui tigramugri– nircami.

Mateo 6:19

Polilla c'urucuna micunalla, ismushpa tucurinalla, shuhuacunapish yaicushpa shuhuanalla charinacunapajllaca cai pachapica ama ruraichijchu.

Mateo 6:24

Ishqui amopajtaca pi mana rurai tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Taita Diostapish, charinacunatapish ishquipajtaca mana rurai tucunchu.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 14:14

Paicuna mana tigrachi tucushcamantaca Taita Diosmi cantaca cushichinga. Ashtahuanpish cashcata rurajcuna causari punllapimi can cushcamantaca Taita Diosca cunga– nircami.

Lucas 16:11

Cai pachallata yuyashpa charijyashcacunahuan mana allita rurajpica, tucuimanta yalli alli cajta ruranatacarin ¿pitaj mingangari?

Lucas 16:13

Maijan servijpish ishqui amotaca, mana servi tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Shinallatajmi Taita Diospajpish, charijyangapajpish ishquindijtaca mana rurai tucunguichij” nirca.

Lucas 16:4

Mayordomo canata quichujpica, paicunapaj huasicunapi ñucata chasquichun imata ruranata ñami yuyarini” nirircami.

Hechos 10:31

cashna nirca: “Cornelio, can mañashcataca Taita Diosca uyashcami. Huajchacunaman can cushcacunatapish Taita Diosca ricushcami.

Hechos 10:4

Cornelioca manchaihuan ricurashpa: –Amito ¿imatataj nihuangui?– nijpi angelca: –Can mañashcacunapish Taita Diospajman chayashcami, can cushcacunatapish Taita Diosca ricushcami.

2 Corintios 4:17

Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.

Judas 1:21

Ñucanchijta Mandaj Jesucristo c'uyashpa cushca huiñai causaita shuyacushcataca pai cungacama Taita Diospaj c'uyaipi catiraichij.