Lucas 16:8 - Dios Rimashca Shimicunami

⁸ Chai millai mayordomo yachaisapa tucushpa, chaita rurashcamantaca amoca allimi nircami. Taita Dios mana agllashcacunarajmi luzpaj huahuacunata yalli, paicunapuraca caishuj chaishuj allita chashna rurancuna.

Mushuj Testamento Diospaj Shimi

⁸ Chai millai mayordomo alli yuyarishpa, chashna rurashcata amo yachashpaca, ‘Allitamari rurashca’ nircami. Riquichij, cai pachallata yuyarishpa causajcunarajmi, caishuj chaishujhuan imatapish allita rurangapajca, Diospaj huahuacunata yalli alli yuyaiyujcuna.

Lucas 16:8 Iomraidhean Croise

GÉNESIS 3:1

Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

2 SAMUEL 13:3

Amnonca paihuan alli apanacuj Jonadab runatami charirca. Jonadabpaj yayaca Davidpaj huauqui Simeami carca. Jonadabca, yachaj tucushca umaj runami carca.

2 REYES 10:19

Chaimanta Baalpaj tucui profetacunata, paipajta ruraj tucuicunata, Baalpaj tucui curacunata shujllapish ama illachun tucuicunata tandachichij. Baalman sacrificiota cunataca achcatamari charini. Maijanpish chaiman mana shamujca huañungami– nirca. Chaitaca Jehuca Baalpajta rurajcunata umashpa, tucuicunata huañuchingapajmi chashna ruranata yuyarishca carca.

SALMOS 17:14

Mandaj Dioslla, chai runacunamantaca cambaj maquihuan quishpichiyari. Cai pachapajllata munaj runacunamanta quishpichiyari. Paicuna japinataca cai pachallapimi charincuna. Paicunaca can cushcataca huijsallapimi jundata charincuna. Paicunapaj huahuacunapish huijsallapimi sajsancuna. Cai pachapica q'uipa huahuacunapajpish puchuchinrajmi.

ÉXODO 1:10

Ñucanchijca paicuna ama ashtahuan mirarichunca yachajcunamari cana canchij. Ñucanchijta p'iñajcunahuan jatun macanacui tiyajpica, paicunapish chaicunahuan tucushpa ñucanchijhuan macanacushpa mishashpaca, cai llajtamanta llujshishpa ringallatajmari” nirca.

PROVERBIOS 12:8

Alli yachajcunataca pipish alli ninmari. Ashtahuanpish millai shungucunataca tucuicunami p'iñancuna.

Mateo 12:32

Runa Aichayujta maijancuna imata rimashpa c'amishcataca perdonashcami canga. Ashtahuanpish jucha illaj Espirituta p'iñashpa c'amijtaca, cunan causaipipish, shamuj causaipipish manataj perdonangachu.

Mateo 17:26

Shina nijpi Pedroca: –Shujtaj llajtamanta shamushcacunapajtami japincuna– nijpi, Jesusca: –Shinashpaca, quiquin llajtapi causajcunaca mana cunachu.

Lucas 16:10

Ashallahuanpish allita rurajca, achcahuancarin ashtahuan allitami ruranga. Ashallahuanpish mana allita rurajca, achcahuancarin ashtahuan mana allitami ruranga.

Lucas 16:4

Mayordomo canata quichujpica, paicunapaj huasicunapi ñucata chasquichun imata ruranata ñami yuyarini” nirircami.

Lucas 16:7

Chai q'uipaca shujtaj debijtapish: “Canca, ¿mashnatataj debingui?” nijpi paica: “Patsaj saco trigotami debini” nijpi: “Can mashnata debishcata quillcashcaca caipimi. Pusaj chungallata churai” nirca.

Lucas 18:6

Chaimi Mandaj Jesusca: “Millai juez cashpapish ima shina nishcata yuyarichij.

Lucas 20:34

Chaimi Jesusca: –Cunan cai causaillapimi cazaranaca tiyan.

Lucas 20:35

Ashtahuanpish shamuj causaipi causanataj cajcuna causarishpaca, mana cazarangacunachu, cazarachinapish mana tiyangachu.

Juan 12:36

Luzpaj huahuacuna cangapajca, luz caipi cajpiraj, paita crichij– nircami. Jesusca tucui chaicunata nishpaca, paicunapajmanta pacatucushpa rircallami.

1 Corintios 3:18

Pi cashpapish quiquinllatajca ama umarichun. Cancunapurapi maijanpish cai pachamanta yachaihuan yachaisapami cani yuyashpaca, mana yachaj shina cachun. Chashna cashpami yachaisapataj canamanca chayanga.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.

1 Tesalonicenses 5:5

Cancunaca tucuicunami achijpaj huahuacuna, punllapaj huahuacuna canguichij. Mana tutapaj, amsapajchu canchij.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.