Lucas 16:25 - Dios Rimashca Shimicunami

²⁵ Ashtahuanpish Abrahamca: “Huahua, yuyariyari, canca causaipirajmi cambaj charishcacunahuan sumajta cushicurcangui. Lazaroca causaipica llaquitami aparca. Paica cunanca caipimi cushicucun. Ashtahuanpish canca llaquitami apacungui.

Mushuj Testamento Diospaj Shimi

²⁵ Chashna caparijpipish, Abrahamca cashnami nirca: “Huahua, yuyariari. Canca causaipica, achca charinacunayujmi carcangui. Cunanca, jatun llaquipimari cangui. Lazaroca, causaipica llaquillatami charirca. Cunan caipica cushicushpamari causacun.

Lucas 16:25 Iomraidhean Croise

JOB 22:18

Paicunapaj huasicunapimi achca charinacunata jundachirca. Ashtahuanpish ñucaca amalla paicuna shina yuyashca casha.

SALMOS 17:14

Mandaj Dioslla, chai runacunamantaca cambaj maquihuan quishpichiyari. Cai pachapajllata munaj runacunamanta quishpichiyari. Paicuna japinataca cai pachallapimi charincuna. Paicunaca can cushcataca huijsallapimi jundata charincuna. Paicunapaj huahuacunapish huijsallapimi sajsancuna. Cai pachapica q'uipa huahuacunapajpish puchuchinrajmi.

SALMOS 49:11

Paicunapaj yuyaipica, paicunapaj huasica huiñaipaj cashcatami yuyancuna. Paicuna causanaca huahua huahuapaj cashcatami yuyancuna. Allpatapish paicunapaj shutitami churancuna.

SALMOS 73:7

Ñahuicuna llujshirijtami huirayancuna. Paicunapaj millaita yuyashcaca shungumantaca talliricunmi.

LAMENTACIONES 1:7

Jerusalenpi causajcunaca paicunata p'iñajpaj maquipimari japi tucurca. Chaipica pi mana ayudanaman shamurcachu. P'iñajcuna chaita ricushpaca, cushicushpami asircacuna. Chaimantami paica ñaupa huatacuna achcata charij cashcamanta sumaj cashca cajpipish, paillataj mana cazuj cashcamanta Dios llaquichishcata yuyarirca.

DANIEL 5:30

Caldeocunata jatun mandaj Belsasartaca, chai tutallatajmi huañuchirca.

Mateo 27:63

cashnami nircacuna: –Mandaj, chai llulla runa causacushpaca: “Quimsa punllacuna q'uipaca causarishallami” nishcatami yuyarinchij.

Marcos 9:45

Cambaj chaqui maipi urmachisha nijpica, p'itingui. Ishqui chaquindij ucu pacha manataj huañuj ninapi shitashca canapaj randica, shuj chaqui illajlla causaiman yaicunami ashtahuan alli.

Lucas 16:20

Imata mana charij carachahuan apiyacuj Lázaro shuti runapishmi tiyarca. Paica charij runapaj huasi pungupimi,

Lucas 16:23

Paica Hadespi llaquita apacushpa huichilla ricushpami Abrahamta, Abrahampaj c'uchupi caj Lazarotapish ricurca.

Lucas 16:26

Ashtahuancarin ñucanchijpajmanta, cancunapajmanca shuj jatun huaicumari ch'icanchin. Chaimi caimanta chaiman risha nishpapish mana ri tucun. Chaimanta caiman shamusha nishpapish mana shamui tucunchu” nircami.

Lucas 6:24

Aij, achcata charijcunalla, cancuna charishcahuan ña cushicucushcamanta ¡imachari tucunguichij!

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

DEUTERONOMIO 28:17

Cancunapaj grano canastapish, tandata ruranapaj masana bateapish mana alli nishcami canga.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.

1 Tesalonicenses 3:3

Llaquicunahuan cajpi pi ama muspachichunmi, chashnaca cunanga. Cancunallataj yachanguichijmi, ñucanchijca llaquicunata apanapajtajmi canchij.

Hebreos 11:25

Juchata rurashpa ashacama cushicushpa causanapaj randica, Dios agllashcacunahuan llaquita apanatami agllarca.

1 Juan 2:15

Cai pachata, cai pachapi tiyajcunatapish ama c'uyaichijchu. Maijanpish cai pachata c'uyajpajca, Diospaj c'uyaica mana paipichu.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.