Lucas 16:24 - Dios Rimashca Shimicunami

²⁴ Chaimi sinchita caparishpa: “Yaya Abraham, ñucata llaquihuayari. Lazarota cachapai yacupi paipaj dedota satishpa, ñuca c'allullatapish chiriyachichun, ñucaca caitaj ninapica jatun llaqui nanaitamari apacuni” nirca.

Mushuj Testamento Diospaj Shimi

²⁴ Chaimantaca, cashnami caparirca: “Yaya Abraham, ñucata llaquihuaiari. Yacupi dedota shutuchishpa ñuca cʼallullatapish chiriyachichun, Lazarota cachapai. Ñucaca caitaj ninapica, jatun llaqui nanaitamari apacuni” nircami.

Lucas 16:24 Iomraidhean Croise

JOB 20:21

Pai mana micushcapish, ima mana saquiringachu. Chaimanta pai imalla charishcacunapish mana unicama tiyacungallachu.

ISAÍAS 27:11

Chai yura ramacuna chaquijpica, p'aquishcami canga. Huarmicuna shamushpami ninata japichingacuna. Cai Israelcunaca mana yuyaita charijcunami. Chaimanta paicunata rurajca mana llaquingachu. Paicunata rurajca manataj llaquingachu.

ISAÍAS 66:24

“Paicuna llujshishpaca, ñucata p'iñashpa c'ariyajcunapaj huañushca aichacuna siricujtami ricungacuna. Paicunapi caj c'urucunaca nunca mana huañungachu. Paicunapi rupacuj ninapish, nunca mana huañungachu. Chaica pi mana munaipaj yallitaj llaquimi canga”.

ZACARÍAS 14:12

Jerusalenpi causajcunahuan macanacucuj llajtacunataca, Mandaj Diosca cashnami jatunta llaquichinga: Paicunapaj aichataca, causaipirajmi ismuchinga. Ñahui luluncunatapish, chaillapitajmi chaquichinga. C'allutapish, shimillapitajmi tucui yacuyachinga.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Mateo 3:9

Cancunapaj ucu yuyaillapi: “Ñucanchijca Abrahamtami yayata charinchij nishpa” ama nirichijchu. Cashnami nini: Taita Diosca, cai rumicunatapish, Abrahampaj huahua huahuacuna cachun rurai tucunmi.

Mateo 5:22

Ashtahuanpish ñucaca cashnami nini: Maijanpish shujtajta p'iñajtaca, jatunta llaquichinapaj juchachishcami canga. Shinallataj shujtajta: “Ch'ahuan” nijtaca, mandajcunalla tandanacushcapaj ñaupajpi juchachishcami canga. Maijanpish shujtajta: “Muspa” nijca, ucu pacha ninapi shitanapajmi saquiringa.

Lucas 16:30

charij runaca: “Chaicunata ricushpallaca mana cringacunaca. Ashtahuanpish huañushcacunapaj chaupimanta maijan causarishpa paicunaman huillajpimari, mana allita ruracushcataca saquishpa cutiringacuna” nircami.

Lucas 19:9

Chaimi Jesusca: –Cunanmari cai huasimanca, quishpirina chayamushca. Paipish Abrahampaj huahua huahuamari.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 7:37

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

Romanos 4:12

Abrahamca circuncisionta rurashcacunapaj yayami. Paica mana chaicunapajllachu yaya. Ashtahuanpish mana circuncisionta rurashca cashpapish, Abraham crishca shina crishpa pai causashca shina causajcunapajpishmi yaya.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Santiago 3:6

Chai shinallatajmi c'allupish nina shina, cai pachapaj millaicunata rimanlla. C'allutaca ñucanchij cuerpopi caj miembrocunapurapi churashcami. Chaimi Dios rurashca cuerpotaca tucui causaipi mapayachin, rupachin. C'alluca ucu pacha nina rupacuj shinami.

Apocalipsis 19:20

Jatun animaltapish, llullashpa huillajtapish prezumi japirca. Chai llullashpa huillajca jatun animalpaj ñaupajpi pi mana rurai tucuipaj mancharinacunata rurashpami jatun animalpaj sellota churachijcunatapish, chai animalman rijchajta rurashcata adorajcunatapish umashpa crichirca. Jatun animaltapish llullashpa huillajtapish causajtami ishquindijtataj azufrehuan rupacuj nina cuchapi shitarca.

Apocalipsis 20:15

Causanaman rinapaj libropi mana quillcashca cajca nina rupacuj cuchapimi shitashca carca.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

1 SAMUEL 28:16

Shina nijpi Samuelca: –Mandaj Dios canmanta caruyashpa canta p'iñacujpica ¿imapajtaj ñucatacarin tapunguiyari?