Lucas 16:22 - Dios Rimashca Shimicunami

²² Mañashpalla causaj runa huañujpica, angelcuna shamushpami Abrahampaj c'uchuman aparca. Charij runapish huañujpica pambarcacunami.

Mushuj Testamento Diospaj Shimi

²² Chai mañaj runaca, chashna causacushpaca huañurcami. Huañujpica angelcuna shamushpa, ñaupa yaya Abrahampaj cʼuchumanmi pusharca. Shinallataj charij runapish huañujpica pambarcacunami.

Lucas 16:22 Iomraidhean Croise

JOB 21:13

Tucui causaipimi ima mana illaj causancuna. Sumajta huañushpami, Seolman rincuna.

PROVERBIOS 14:32

Mana manchaj runataca pai millai cashcallatajmi, jatun llaquipi churan. Ashtahuanpish cashcata ruraj runaca, huañucushpapish shunguta churanmi.

ECLESIASTÉS 8:10

Shinallataj caitapishmi ricuni: Millai runacuna huañujpirajmi, yupashpa yupashpa huacashpa pambancuna. Ashtahuanpish Diospaj huasiman shamuraj, alli runacuna huañujpica, paicuna causashca pueblopi causajcunaca paicuna alli cashcata cungarinllacunami. Chashna tigraman yangatami rurancuna.

ISAÍAS 14:18

Llajtata mandajcunaca tucui paicunami paicunapaj quiquin jutcupi alli nishpa churashca siricuncuna.

ISAÍAS 22:16

Canca ¿imatataj caipica charinguiyari? ¿Pitataj caipica charinguiyari? ¿Ima nishpataj canta churana jutcutaca caipi rurarcanguiyari? Lomapi jutcuta rurajcuna shinami rurashcangui. Rumi urcupi causana jutcuta rurajcuna shinami rurashcangui.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Marcos 8:36

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari?

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Lucas 16:21

chai charij runa micucushpa urmachishcallatapish japishpa micushapishchari nishpa tiyacurca. Ashtahuanpish allcucuna shamushpami carachata lambij carca.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 13:23

Paipaj yachacujcunamanta Jesús c'uyashca shuj yachacujmi, Jesuspaj c'uchupi quinrilla sirishpa micucurca.

Juan 21:20

Pedro tigralla ricushpaca, Jesuspaj c'uyashca yachacuj caticujtami ricurca. Chai yachacujllatajmi sarun micucujpica, Jesuspi huancarishpa: “Mandaj Jesús ¿Canta huañuchichun japichijca pitagari?” nishpa tapujca carca.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

Santiago 1:11

Q'uihuaca inti llujshishpa achcata rupachijpica, chaquirinmi. Paita sumajyachij sisa urmajpica, pai sumaj cashcapish chingarinmi. Shinallatajmi achcata charijca, paipaj charinacunandij tucuringa.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

Apocalipsis 14:13

Chai q'uipaca, cielomanta cashna nishcatami uyarcani: “Mandaj Jesuspi shujlla cashpa huañushcacunaca, cunanmantapacha cushijllacunami. Diospaj Espiritupish cashnami nin: Ari, paicuna imallata llaquita apashpa ruracushcamantaca samaringacunami. Paicunapaj rurashcacunaca paicunahuanmi ringa ninmi nishcacunata quillcai” nircami.