Lucas 16:20 - Dios Rimashca Shimicunami

²⁰ Imata mana charij carachahuan apiyacuj Lázaro shuti runapishmi tiyarca. Paica charij runapaj huasi pungupimi,

Mushuj Testamento Diospaj Shimi

²⁰ Shinallataj carachahuan apiyacuj ungushca Lázaro shuti runapishmi tiyarca. Chai huajcha runaca, chai charij runapaj huasi pungupimi shitashca sirij carca.

Lucas 16:20 Iomraidhean Croise

JOB 2:7

Chashna nijpimi Satanasca, Mandaj Diospaj ñaupajmanta rishpaca, Jobtaca chaqui plantamantaca uma coronacama carachata churashpa chugrichirca.

SALMOS 34:19

Cashcata rurajcunapajca achca llaquicunami tiyan. Ashtahuanpish chai llaquicunamantaca Mandaj Diosmi quishpichin.

SALMOS 73:14

Ashtahuanpish punllantamari azotishca cashcani. Tucui tutamantacunamari macashca cashcani.

ISAÍAS 1:6

Chaqui plantamanta umacama maipi mana sanochu. Ashtahuanpish chugri, p'unguishca, carachayashpa ismucunguichijmi. Pi mana jambishca, pi mana pilluchishpa huatashca, aceitehuan churashpa pi mana nuyuchishcami canguichij.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

Mateo 26:71

Chashna nishpa huasi canllaman yaicuna punguta Pedro llujshicujpimi, shujtaj servij huarmi ricushpaca chaipi cajcunamanca: –Cai runapish Nazaretmanta Jesushuanmi carca– nirca.

Lucas 16:19

Shuj charij runami tiyarca. Paica alli lino, morado churanacunallatami churarij carca. Jatun micuitapish punllantami ruraj carca.

Lucas 16:21

chai charij runa micucushpa urmachishcallatapish japishpa micushapishchari nishpa tiyacurca. Ashtahuanpish allcucuna shamushpami carachata lambij carca.

Juan 11:1

María, Marta causan Betania pueblopica paicunapaj turi Lazaromi ungushca carca.

Hechos 3:2

Chaipica huacharimanta pacha suchu runami tiyarca. Paitaca Taita Diospaj huasiman yaicuna Sumaj nishca pungupimi, punllanta saquij apajcuna carca. Chaipimi Taita Diospaj huasiman yaicujcunata mañashpa tiyaj carca.

Santiago 1:9

Imata mana charij huauquica, Dios jatunyachina cashcamanta cushicuchun.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

1 SAMUEL 2:8

Mandaj Diosmi huajchataca allpamanta jatarichin. Paimi mañashpalla causajtapish ñucumanta llujshichin. Alli nishca tiyarinata cungapaj jatun mandajcunahuan chaipi tiyachingapajmi chashna ruran. Cai pachata aparijcunapish Mandaj Diospajmari. Paimi cai pachataca chai jahuacunapi churarca.