Lucas 16:2 - Dios Rimashca Shimicunami

² Chaimi chai amoca mayordomota cayashpaca: “Cantaca imatatajshi ruracun nijtami uyani. Canman mingashcata ima shinalla apacushcata ñucaman ricuchi. Canca ña mana ashtahuan mayordomo cai tucunguichu” nirca.

Mushuj Testamento Diospaj Shimi

² Chaimantami amoca, chai mayordomota cayashpa: “Cantaca, ‘Imatatajshi ruracun’ nijtami uyani. Cunantaj can imalla rurashcata ricuchi. Ña mana ñuca mayordomo cai tucunguichu” nircami.

Lucas 16:2 Iomraidhean Croise

ECLESIASTÉS 12:14

Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.

Mateo 12:36

Chashna cajpipish: Gentecunaca maipish cachun rimashcacunataca, imalla rurashcata Taita Dios tapucui punllapimi imamanta chashna rimashcataca paicunallataj huillacungacuna.

Mateo 20:8

Ña tutayajpimi, chagrayuj amoca paipaj mayordomota cayashpaca: “Pallajcunata cayai, tucuicunapaj q'uipa shamujcunamanta callarishpa, punta shamujcunacama pallashcamanta pagai” nirca.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Lucas 12:42

Mandaj Jesusca: –¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi chashnataj ruraj servijmari alli runaca.

Lucas 16:1

Jesusca paipaj yachacujcunamanpish cashnami nirca: “Shuj charij amomi tiyarca. Paica shuj mayordomotami charirca. Chai mayordomotaca amo imalla charishcacunata yanga tucuchicun nijtami amoca yachaj chayarca.

Lucas 16:3

Chaimi chai mayordomoca: “Cunanca ¿imatataj rurashari? Ñuca amoca, mayordomo canatamari quichugrin. Tsagmanatapish mana pudishachu, caridadta mañaj canatapish pinganayanmi.

Romanos 14:12

Chashnami ñucanchijca, cada quiquin imallata rurashcataca Diosman huillashun.

1 Corintios 1:11

Ñuca huauquicuna, cancunapurapi p'iñanacushpa rimanacui tiyashcataca, Cloepajpuramanta huillajpimi yacharcani.

1 Corintios 4:2

Maijanmanpish imata rurachun mingashcataca, allita rurashpa pajtachij cashcatami ricusha nin.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

1 Timoteo 4:14

Cunaj yuyajcuna cambaj jahuapi maquicunata churajpi, Taita Dios huillachijpi rurai tucunata cushcataca rurashpa catirangui.

1 Timoteo 5:24

Maijancunapaj juchacunaca, pi manaraj tapujpimi ricurin. Ashtahuanpish shujtajcunapajca, q'uipatami yacharin.

1 Pedro 4:10

Tucuicunami Diosmantaca ch'ican ch'ican rurai tucunata chasquircanguichij. Chai rurai tucunahuanca caishuj chaishujpaj allita ruraichij. Chashna cashpami, Diospaj mana c'uyaipajta c'uyashpa cushca tucui laya ruraicunataca alli apanguichij.

1 Pedro 4:5

Paicunaca causajcunapish, huañushcacunapish, imalla rurashcata ricuchingapaj allichishca tiyacujmanmi, paicunallataj huillangacuna.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.