Lucas 16:16 - Dios Rimashca Shimicunami

¹⁶ Mandashcacunata, profetacuna huillashcataca Bautizaj Juan ricurina punlla camami yachachircacuna. Chai q'uipaca Taita Dios ima shina mandagrin alli huillaitami huillarca. Chaimanca tucuicunami ima shinapish yaicushun nicuncuna.

Mushuj Testamento Diospaj Shimi

¹⁶ Mandashcapish, Dios ima nishcata huillajcuna huillashcapish Bautiźaj Juan causai punllacamallami carca. Chai qʼuipamantaca, Dios mandacuntami huillai callarishca. Tucuicunami Taita Dios mandacunmanca, ima shinapish yaicushun nicuncuna.

Lucas 16:16 Iomraidhean Croise

Mateo 10:7

Paicunapajman rishpaca: “Jahua pachamanta mandanamari ña mandagrin” nishpa huillaichij.

Mateo 15:11

Shimita yaicujca, runataca mana juchayujta ruranchu. Ashtahuanpish shimiman llujshijmi, runataca juchayujta ruran– nircami.

Mateo 21:32

Juanca cashcata ruraj tucunapaj ñanmanta yachachingapajmi cancunapajmanca shamurca. Pai yachachishcataca mana crircanguichijchu. Ashtahuanpish impuestota japijcuna, huainayashpa causaj huarmicunarajmi crircacuna. Cancunaca chaita ricushpapish Juanca allitami huillacun nishpa mana yuyaita japircanguichijchu. Chaimi mana cutirishpa mana crircanguichij.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 4:17

Chai punllamanta pacha Jesús huillai callarishpaca: “Mana allita ruracushcata saquishpa cutirichij. Jahua pachamanta mandanamari ña c'uchuyamushca” nircami.

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Marcos 1:14

Bautizaj Juan carcelpi cai punllacunami Jesusca Taita Dios mandana alli huillaita huillaihuan huillaihuan Galileaman shamushpaca:

Marcos 1:45

Ashtahuanpish chaimanta rishpaca, pai ima shina alliyashcataca tucuicunaman huillajpimi, Jesusca mai pueblomanpish tucuicuna ricucujpica, mana yaicui tucushpa, shitashca pambacunallapi saquirirca. Chaipi cajpipish paipajmanca, tucui llajtacunamantami shamurcallacuna.

Lucas 10:11

“¡Cancunapaj pueblopi cajpi ñucanchij chaquipi ñutu allpa japirishcatapish, cancuna llaqui tucuna cashcata ricuchishpami caillapitaj chaspinchij! Ashtahuanpish caitaca yuyaripanguichij: Taita Dios mandanaca cancunapaj c'uchullapimi carca” ninguichij.

Lucas 10:9

Chaipi ungushcacuna tiyajpi, alliyachishpaca: “Cancunata Taita Dios mandanamari ña c'uchuyamushca” nishpa huillanguichij.

Lucas 16:29

Chaimi Abrahamca: “Moisés mandashcacunatapish, profetacuna quillcashcacunatapish charincunami. ¡Chaicunamanta huillashcata uyachuncuna!” nijpi,

Lucas 16:31

Shina nijpipish Abrahamca: “Moisés mandashcacunatapish, profetacuna quillcashcatapish mana uyashpaca, huañushcacunapaj chaupimanta maijan causarishpa huillajllapichu cringacunari” nircami nishpami parlarca.

Lucas 9:2

Dios ña mandagricushcata huillashpa, ungushcacunata alliyachichunmi cacharca.

Juan 1:45

Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Juan 11:48

Paita chashna rurashpa catichun saquijllapica, ñataj paita tucuicuna crinman, ñucanchij Taita Diospaj huasitapish Roma llajtamanta shamushpa urmachishpa shitanman, cai ñucanchij llajtatapish ñataj quichunman– nircacunami.

Juan 12:19

Ashtahuanpish fariseocunaca: –Chaica riqui, imata mana rurai tucunchijca. Tucuicunamari paita catishpa rincuna– nishpami paicunapura ninacurcacuna.

Juan 5:4

Shuj angelmi yacuta cuyuchinaman huaquin huaquinllapi uriyamuj carca. Yacuta cuyuchijpi maijanpish cuchaman punta huashicujmi, ima ungüimantapish alliyaj carca.

Hechos 3:18

“Cristoca jatun llaquita apangami” nishpa profetacunata ñaupaman pai huillashcatami Taita Diosca pajtachishca.