Lucas 16:14 - Dios Rimashca Shimicunami

¹⁴ Chaita uyashpaca, paicunapajlla charinata yuyaj mitsa fariseocunaca Jesustaca asircacunami.

Mushuj Testamento Diospaj Shimi

¹⁴ Chashna nijta uyashpaca, cullquinayachij fariseocunaca Jesustaca asircacunami.

Lucas 16:14 Iomraidhean Croise

SALMOS 119:51

Jatun tucushcacunaca ñucataca yallitajmari chanzata rurarcacuna. Shina cajpipish, quiquin mandashcamantaca manataj anchurircanichu.

ISAÍAS 53:3

Runacunapurapica yanganchishca, mana nishpa shitashcami carca. Paica llaquita ima shina apanata yachajmi carca. Tucuicunami mana ricunachircanchij. Tucuicunami mana munarcanchij. Tucuicunami mana c'uyarcanchij.

ISAÍAS 56:11

Chai allcucunaca micunatatajca mashnata micushpapish, manataj sajsajcunami. Michijcunapish chai shinallatajmi alli cashcata mana alli cashcata agllanata mana yachancuna. Tucui paicunami paicunapaj quiquin ñanta catinllacuna. Tucuicunami paicunapaj alli canallata mashcancuna. Paicunapaj alli canapajllami imatapish rurancuna.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

JEREMÍAS 8:10

Paicunapaj huarmicunatapish, chagracunatapish cai llajtata quichunaman shamujcunamanmi cugrini. Jatuncunamanta callarishpaca, ashtahuan uchillacunacamami jahuanpi jahuanpi charinallata yuyancuna. Ñucamanta huillajcunamanta callarishpa, curacunacama tucuicuna umajcunami.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 9:24

Jesusca –Caimanta llujshichij, huambraca mana huañushcachu, dormicunllami– nijpimi paitaca asircacuna.

Lucas 12:15

cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.

Lucas 20:47

Paicunaca viudacunapaj huasicunatapish quichushpa millpujcunami. Alli ricuringaraicuca unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga– nircami.

Lucas 23:35

Tucui chaipi cajcunami Jesustaca chaparacurcacuna. Llajtata mandajcunapish asishpami: –Shujtajcunataca quishpichircami. Taita Dios cachashca Cristo cashpaca, paillataj quishpirinmanmari– nircacuna.

Lucas 8:53

Chaipica chai huambra huañushcataj cashcata yachashcamantami asircacuna.

2 Timoteo 3:2

Chai punllacunapica quiquinlla alli canata munajcuna, quiquinpajlla charinata munajcuna, jatun tucushcacuna, valishca tucujcuna, Taita Diosta c'amijcuna, yaya mamata mana cazujcuna, mana pagui nijcuna, Taita Diosta mana rijsijcuna,

Hebreos 11:36

Shujtajcunaca mana alli nishpa c'amishcata, azotishcata, cadenahuan huatashcata, carcelpi churashcatami aparcacuna.