Lucas 16:1 - Dios Rimashca Shimicunami

¹ Jesusca paipaj yachacujcunamanpish cashnami nirca: “Shuj charij amomi tiyarca. Paica shuj mayordomotami charirca. Chai mayordomotaca amo imalla charishcacunata yanga tucuchicun nijtami amoca yachaj chayarca.

Mushuj Testamento Diospaj Shimi

¹ Jesusca, Paipaj yachacujcunamanca caitapishmi parlarca: «Shuj charij amomi, shuj mayordomota charirca. Chai mayordomotaca, ‘Amo imalla charishcacunata yanga tucuchicun’ nijtami amoca yachaj chayarca.

Lucas 16:1 Iomraidhean Croise

GÉNESIS 15:2

Shina nijpi Abramca: –Mandaj Jatun Dioslla ñucaman huahuata mana cushca jahuaca ¿imapajtaj imata cugringui? Ñuca imalla charishcacunataca damasceno Eliezer ñuca huasita ricuj mayordomollami japinga– nirca.

GÉNESIS 43:19

Paicunaca Josepaj huasi punguman chayashpami, Josepaj mayordomohuan parlangapaj c'uchuyashpaca,

1 CRÓNICAS 28:1

Davidca, israelcunata tucui mandajcunatami Jerusalenpi tandachirca. Aillucunata mandajcunata, jatun mandajpajta rurangapaj quillanta shamuj soldadocunata mandajcunata, 1.000 soldadocunata, patsaj soldadocunata mandajcunatapish, paipaj haciendapi cuidajcunata mandajcunatapish, paipaj imalla charishcacunata, paipaj churicunapaj imalla charishcacunata cuidajcunata mandajcunata, paipaj tucui soldadocunamanta yalli alli nishca ashtahuan c'ari c'ari soldadocunatapishmi tandachirca.

PROVERBIOS 18:9

Q'uilla runaca imatapish tucuchij runahuanca, quiquin huauquindij shinallatajmi.

OSEAS 2:8

Chai huarmica trigotapish, vinotapish, aceitetapish ñuca cucushcataca mana yuyarircachu. Achca cullquita, achca curita ñuca mirachicushcatapish mana yuyarishpami chaicunataca Baalman curca.

Mateo 20:8

Ña tutayajpimi, chagrayuj amoca paipaj mayordomota cayashpaca: “Pallajcunata cayai, tucuicunapaj q'uipa shamujcunamanta callarishpa, punta shamujcunacama pallashcamanta pagai” nirca.

Lucas 12:42

Mandaj Jesusca: –¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi chashnataj ruraj servijmari alli runaca.

Lucas 15:13

Chaimanta asha punllacuna q'uipaca, tucui pai japishcata c'atushpa cullquita tandachishpami q'uipa churica caru llajtaman rirca. Chaipimi pai apashcacunataca millaillapi causashpa tucuita chingachirca.

Lucas 15:30

Ashtahuanpish cambaj cai churica, tucui can cushcacunataca huainayashpa causaj huarmicunahuanmi tucuchimushca. Chashna rurajpirajmari paihuan cushicungapajca huirayashca bizita huañuchichishcangui” nircami.

Lucas 16:19

Shuj charij runami tiyarca. Paica alli lino, morado churanacunallatami churarij carca. Jatun micuitapish punllantami ruraj carca.

Lucas 16:2

Chaimi chai amoca mayordomota cayashpaca: “Cantaca imatatajshi ruracun nijtami uyani. Canman mingashcata ima shinalla apacushcata ñucaman ricuchi. Canca ña mana ashtahuan mayordomo cai tucunguichu” nirca.

Lucas 19:20

Caishuj shamushpaca: “Amito, caipimi cambaj mina cullquica. Caitaca, shuj linsopimi alli huaquichircani.

Lucas 8:3

Mandaj Herodespaj mayordomo Chuza runapaj huarmi Juanapish, Susanapish, shujtaj achca huarmicunapishmi paicuna imalla charishcacunahuan ayudarcacuna.

Tito 1:7

Obispoca Dios mingashcata alli cuidashpa apajmi. Chaimanta pi mana juchachipaj, mana huahuayarij, mana p'iñarij, mana machaj, p'iñanacunata mana munaj, cullquita munashcamanta ima mana allita mana ruraj,

Santiago 4:3

Mañashpapish mana chasquinguichijchu. Cancuna munashcapi cushicushpa tucuchingapajlla mana alli yuyaihuan mañashcamantami mana chasquinguichij.

1 Pedro 4:10

Tucuicunami Diosmantaca ch'ican ch'ican rurai tucunata chasquircanguichij. Chai rurai tucunahuanca caishuj chaishujpaj allita ruraichij. Chashna cashpami, Diospaj mana c'uyaipajta c'uyashpa cushca tucui laya ruraicunataca alli apanguichij.