Lucas 15:4 - Dios Rimashca Shimicunami

⁴ “Maijan cancunataj patsaj ovejacunata charishpa shuj chingarijpica, iscun chunga iscunta michicushcapi saquishpa, ¿chai chingarishcataraj japingacama mashcanguichijman?

Mushuj Testamento Diospaj Shimi

⁴ «Maijan cancuna patsaj ovejata charijpi, shuj oveja chingarinmanchari. Chashna tucujpica, ¿manachu iscun chunga iscuntaca, michicushcapi saquishpa, japingacama caishujta mashcagringuichijman?

Lucas 15:4 Iomraidhean Croise

SALMOS 119:176

Chingarishca oveja shinamari puricuni. Quiquinpajta rurajtaca mashcahuayari. Quiquin mandashcacunataca manataj cungarij carcanica.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

JEREMÍAS 33:13

Urcucunapi caj pueblocunapi, Sefela shuti pamba pueblocunapi, Neguev shuti pamba pueblocunapi, Benjamín llajtapi, Jerusalén pueblo muyundij pambacunapi, Judá llajtapi caj tucui caishuj pueblocunapipishmi michijcunaca, paicunapaj canlla animalcunata yupangacuna” ninmi Mandaj Diosca.

JEREMÍAS 50:6

Ñuca agllashcacunaca, chingarishca ovejacunami carca. Michijcunamari pandachircacuna. Paicuna urcucunaman pushashpa shitashpa saquijpimari, loman loman purishpa corraltapish cungarishpa mana tigrarcacuna.

EZEQUIEL 34:16

Chingarishpa caita chaita puricujtapish mashcashpa japishpaca, corralmanmi tigrachimusha, chaqui p'aquitapish c'acushpa huatashami, irquitapish ayudashami. Ashtahuanpish huirayashca ovejacunatapish, c'ari c'ari ovejacunatapish chingachishami, cashcata rurashpami paicunataca michisha ninmi.

EZEQUIEL 34:31

Ñuca q'uihuapi micuj ñuca ovejacunalla, cancunaca huañujlla runacunallamari canguichij, ñucaca cancunapaj Taita Diosmari cani ninmi Mandaj Jatun Diosca ni” nircami.

EZEQUIEL 34:4

Irquicunatapish manamari ayudanguichijchu, ungushcatapish manamari jambinguichijchu, chaqui p'aquitapish manamari huatachinguichijchu, caita chaita puricujcunatapish manamari corralpi tandachinguichijchu, chingarishcatapish manamari mashcanguichijchu. Ashtahuanpish sinchita llaquichishpami mandanguichij.

EZEQUIEL 34:8

Mandaj Jatun Diosca cashnami nin: Ñucaca causacunimi, ñuca canlla ovejacunataca michij illashcamantami shuhuarcacuna, p'iña animalcunami mirga mirgata rurashpa micurcacuna. Chashna cajpipish ñuca ovejacunataca, michijcunapish mana mashcagrircacunachu, ashtahuanpish chai michijcunaca quiquinllatatajmi michirircacuna. Ñuca ovejacunataca, manamari michircacunachu ninmi.

Mateo 12:11

Shina nijpi Jesusca: –Cancunapuramanta maijancunataj shujlla ovejata charijpi, samana punllapi jutcuman huashicujpica ¿manachu llujshichinguichijman?

Lucas 13:15

Mandaj Jesusca cashnami nirca: –¡Mishqui shimi jayaj shungu! ¿Manachu cancunaca, cancunapaj huagrata, burrotaca samana punlla cajpipish, huatashcamanta cacharishpa, yacuta ubyachinaman pushanguichij?

Lucas 15:3

Jesusca, cai yuyachij parlota cashna nishpa parlarca:

Lucas 19:10

Runa Aichayujca chingarishcacunata mashcangapaj, quishpichingapajmi shamurca– nircami.

Romanos 2:1

Chaimanta canca, pi cashpapish shujtajta juchachishpaca, canpish juchachicushca shinallataj ruraj cashcamantaca, ñucaca allimi cani mana ni tucunguichu. Cambaj llaquipajllatajmi chashna juchachingui.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.