Lucas 15:32 - Dios Rimashca Shimicunami

³² Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Mushuj Testamento Diospaj Shimi

³² Cai cambaj huauquica, huañushca shina chingarishcami carca. Cunanca, causarij shinamari tigramushca. Pai tigramushcamantaca, jatun micuita rurashpa cushicunatajmari canchij” nircami» nircami.

Lucas 15:32 Iomraidhean Croise

SALMOS 51:8

Ima llaqui illajlla, cushijlla canata uyachihuayari. Chaimi can llaquichishca ñuca tullucunaca cushicunga.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

Mateo 18:11

Runa Aichayujca, chingarishcacunata quishpichingapajmi shamurca.

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:31

Chaimi paipaj yayaca: “Huahua, canca tucui punllacunami ñucallahuantaj cangui. Chaimanta tucui ñuca imalla charishcacunaca cambajmi.

Lucas 7:34

Runa Aichayuj tucushpa shamujca micujmi, ubyajmi. Chai runaca: “Achcata micujmi, vinotapish ubyajmi, impuestota japijcunahuan, juchayujcunahuanpish tandanacunllami” ninguichijmi.

Romanos 11:15

Israelcunata Dios anchuchishcaca mana israelcunata chasquingapajmi cashca. Shina cajpica israelcunata Dios cutin chasquijpica ¿manachu huañushcacunapuramanta causarishca shina canga?

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Romanos 3:4

¡Manataj chashnachu! Tucui gentecuna llulla cajpipish, Taita Diosca mana llullachu. Cashnami quillcashca tiyacun: “Quiquin cashcata ruraj cashcataca cambaj shimicunami ricuchin. Quiquinta juchachijpipish mishanguillami” ninmi.