Lucas 15:28 - Dios Rimashca Shimicunami

²⁸ Chaimi achcata p'iñarishpa mana yaicusha nijpi, paipaj yaya llujshishpaca yaicupai nishpa rogarca.

Mushuj Testamento Diospaj Shimi

²⁸ Shina nijpi chai huauquica pʼiñarishpami, mana yaicusha nirca. Chaimantami yaya llujshishpaca: “Yaicupairi” nirca.

Lucas 15:28 Iomraidhean Croise

ISAÍAS 65:5

Paicunaca: Ñucapajmanca ama c'uchuyamuichu. Can maipi cashcapi saquiri. Ñucaca canta yalli jucha illajmari cani nijcunami. Chashna nijcunaca, nina rupashpa tucui punlla cushnij shinami, ñucataca p'iñachincuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

JEREMÍAS 35:16

Recabpaj churi Jonadab mandashcataca, paipaj huahua huahuacunaca ñaupa yaya mandashca cashcamanta manataj paquishcacunachu. Ashtahuanpish cai Judá runacunaca ñucataca manataj cazuncunachu” ninmi.

JONÁS 4:9

Chashna nijpimi Taita Diosca Jonastaca: –¿Chai calabazo yura chaquirishcallamantachu yallitaj p'iñaringui imatagari?– nijpi Jonasca: –Ñucaca colerahuan huañucunimi– nirca.

Mateo 20:11

Chasquishca q'uipaca, chagrayujhuan p'iñarishpami paitaca:

Marcos 1:40

Jesús chaipi cajpimi leprahuan ungushca shuj runa shamushpa Jesuspaj ñaupajpi cungurishpaca: –Ñucata alliyachisha ninguipishchari– nijpi,

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 15:2

Chaita ricushpami fariseocunapish, mandashcacunata quillcajcunapish huashalla parlanacushpaca: –Caica juchayujcunahuan tandanacushpa paicunahuan micunllamari– ninacucujpimi,

Lucas 15:27

Chaimi paipajta rurajca: “Cambaj huauquimari tigramushca. Mana ungushca alli tigramushcamantami cambaj yayaca, huirayashca bizita huañuchichishpa fiestata ruracun” nirca.

Lucas 15:29

Ashtahuanpish paipaj yayataca cashnami nirca: “Manataj imata c'ariyashpamari, cai tucui huatacunata can ima nishcata rurani. Ñuca alli rijsishcacunahuan cushicuchun, shuj chivollatapish mana cushcanguichu.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Lucas 5:30

Chaimantami mandashcacunata quillcajcuna, fariseocunapish yachacujcunataca: –¿Ima nishpataj tributota japijcunahuan, juchayujcunahuanca micucunguichij, ubyacunguichij?– nishpami, juchachishpa rimarcacuna.

Lucas 7:39

Chaita ricushpami micunaman cayaj fariseoca paipaj yuyaipica: “Caica profetataj cashpaca, chai huarmi pi cashcata, ima shina huarmi paipaj chaquipi tuparicujtaca yachanmanmi. Chai huarmica juchasapamari” niricurcami.

Hechos 13:45

Chashna achcacuna tandanacujta judiocuna ricushpaca, huañurishpami achcata p'iñarircacuna. Chaimantami Pablo huillashcaca manapish chashnachu nishpa c'amircacuna.

Hechos 13:50

Ashtahuanpish judiocunaca Taita Dios yuyailla causangapaj judio tucushca alli nishca huarmicunata, chai pueblota mandajcunatapish, chai runacunata llaquichingapaj jatarishunchij nishpa yachachircacuna. Chashna yachachishpaca Pablotapish, Bernabetapish achcata llaquichishpami chai llajtamanta llujshichishpa cacharcacuna.

Hechos 14:19

Chai q'uipami Antioquia pueblomanta, Iconio pueblomanta maijan judiocuna shamushpaca, chai tucuicunata jatarichircacuna. Chaimantami Pablotaca rumicunahuan shitashpa, ñami huañun yuyashpaca, pueblomanta canllaman sirijta aisarcacuna.

Hechos 14:2

Ashtahuanpish paicuna huillashcata mana crisha nij judiocunaca, mana judiocunatami Jesusta catijcunata p'iñana yuyaita cushpa yachachircacuna.

Romanos 10:19

Caitapishmi tapuni: Israelcunaca ¿manachu chaitaca yachashca canga? Puntaca Moisesrajmi: “Manapish ñucapaj caj, yuyai illajcunata ñucapajmi canguichij nishpami, cancunataca p'iñachisha” ninmi.

2 Corintios 5:20

Chaimanta ñucanchijca, Cristopaj shutipi huillajcunami canchij. Diosllataj ñucahuan alli tucupaichij nicuj shinami ñucanchijta huillachijpi, Cristopaj shutipi: “Dioshuan alli tucupaichij” nicunchij.

1 Tesalonicenses 2:16

Mana judiocuna quishpirichun huillajtapishmi ñucanchijtaca jarcancuna. Chashna rurashpami paicunapaj juchacunataca, yallijta jundachincuna. Chaimi Taita Diospaj p'iñaica, yallitaj paicunapaj jahuaman shamurca.

1 SAMUEL 17:28

Chaipi cajcunahuan David parlacujta paipaj punta huauqui Eliab uyashpaca, nina sindirij shina p'iñarishpami Davidtaca: –¿Imapajtaj caiman uriyamurcangui? Ashalla ovejacunatapish chai shitashcapica ¿pimantaj saquimurcangui? Jatun tucushca yuyaihuan, mana alli shunguhuan cashcatapish ñucaca yachanimi. Chaipajllamari macanacuita ricunaman shamushcangui– nircami.

1 SAMUEL 18:8

Chashna nishca shimicuna Saulta p'iñachijpimi, pai yallitaj p'iñarishpaca: –Davidtaca, 10.000 gentecunatami huañuchishca nincunami. Ñucataca, 1.000 gentecunata huañuchishcallatamari nincuna. Davidmi jatun mandajca ninallami illan– nirca.