Lucas 15:27 - Dios Rimashca Shimicunami

²⁷ Chaimi paipajta rurajca: “Cambaj huauquimari tigramushca. Mana ungushca alli tigramushcamantami cambaj yayaca, huirayashca bizita huañuchichishpa fiestata ruracun” nirca.

Mushuj Testamento Diospaj Shimi

²⁷ Chashna tapujpica: “Quiquinpaj huauquimari shamushca. Mana ungushca, allilla chayamushcamantamari, quiquinpaj yayaca huira huagrata huañuchichishpa cushicucun” nircami.

Lucas 15:27 Iomraidhean Croise

Mateo 22:4

Mana shamushun nijpimi, jatun mandajca paipajta ruraj shujtajcunata, cashna nishpa cutin cacharca. Cayashcacunamanca cashna nigrichij: “Micuicunataca ñami allichishca. Huagracunatapish, huira animalcunatapish ñami huañuchichini. Tucuimi ña allichishca, bodaman shamuichij nishpa pushamugrichij” nircami.

Lucas 15:26

paipajta rurajta cayashpami, imamanta bullacushcata tapurca.

Lucas 15:28

Chaimi achcata p'iñarishpa mana yaicusha nijpi, paipaj yaya llujshishpaca yaicupai nishpa rogarca.

Lucas 15:30

Ashtahuanpish cambaj cai churica, tucui can cushcacunataca huainayashpa causaj huarmicunahuanmi tucuchimushca. Chashna rurajpirajmari paihuan cushicungapajca huirayashca bizita huañuchichishcangui” nircami.

Hechos 22:13

Pai ñucapajman shamushpa c'uchuyashpaca: “Huauqui Saulo, cutin canca ricujmi tucungui” nincami, ña cutin ricui tucurcani.

Hechos 9:17

Ananiasca Saulo shuyacun huasiman rishpa yaicushpa Saulopaj jahuapi maquita churashpaca: –Huauqui Saulo, can caiman shamucujpi ricurij Mandaj Jesusmi can cutin ricuchun, Taita Diospaj Espirituta chasquichunpish ñucataca cacharca– nircami.

Filemón 1:16

Cunanca ña mana cambajta ruraj shinallachu. Ashtahuanpish cambajta rurajtapish yalli c'uyashca huauquimari. Ashtahuantajca ñucapajmi chashna cambajcarin cambajta ruraj cashcamantapish, Mandaj Jesusta crij cashcamantapish ashtahuan allimari.

1 SAMUEL 28:24

Chai huarmica, paipaj huasipica huirayachishca shuj bizitami charirca. Chai bizitami huañuchirca. Cutata japishpa masashpami levadura illajlla tandata rurashpa cusarca.