Lucas 15:16 - Dios Rimashca Shimicunami

¹⁶ Paica achca yaricaihuanmi carca. Chaimi cuchicuna micucun algarrobata micuiman yuyarca. Ashtahuanpish pi imata mana cararcachu.

Mushuj Testamento Diospaj Shimi

¹⁶ Cuchi michinapica yaricaihuan huañucushpami, “Cuchicunaman granota carajpi micushari” yuyarca. Chashna yuyacujpipish, pi mana imata cararcachu.

Lucas 15:16 Iomraidhean Croise

JOB 30:4

Yuracuna chaupipimi malvacunata tandarcacuna. Cunungapajpish enebro yura sapicunatami tandarcacuna.

SALMOS 142:4

Ñuca alli ladota alli ricuyari. Chaita ricujca pi mana tiyanchu. Miticunatapish mana charinichu. Ñuca huañunamanta cuidajpish pi mana tiyanchu.

SALMOS 73:22

Ñucaca imata mana entendij ch'ahuanmi carcani. Quiquinpaj ñaupajpica shuj animal shinamari carcani.

ISAÍAS 44:20

Chashna rurashpaca ushpallatami micun. Paipaj shungu umarishpami shujtaj ñanta rin. Paillatajca mana quishpiri tucunchu: “Ñuca alli maquipi charicunca manachu yangalla” nishpapish mana ni tucunchu.

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

ISAÍAS 57:3

¡Bruja huarmipaj churicuna caiman c'uchuyamuichij. Huainayaj runapaj, huainayaj huarmipaj huahua huahuacuna caiman c'uchuyamuichij!

LAMENTACIONES 4:5

Sumaj alli micunallata micushpa causajcunapish, callecunapimi yaricaihuan huañurcacuna. Ashtahuan alli sumaj churanallata churashpa huiñajcunapish, mapata shitanacunapimi sirirircacuna.

OSEAS 12:1

Efrainca huaira michishcami purin. Inti llujshin ladomanta shamuj huairata catinatami mana shaicun. Paicunaca llullana, yallitaj millaita ruranallatami mirachincuna. Asiriacunahuanmi ari ninacun. Aceitetaca Egiptomanmi apan.

Mateo 7:6

Taita Diospajlla cajtaca, allcucunamanca ama cuichijchu. Ñataj tigrarishpa c'utsa c'utsata ruranman. Cancunapaj perlacunatapish, c'uchicunapaj ñaupajpica ama shitaichijchu. Paicunaca sarungallacunami.

Lucas 15:15

Chaimi chai llajtapi causaj shuj runapajpi trabajota mashcanaman rijpi, chai runaca paipaj haciendapi c'uchicunata michigrichun cacharca.

Lucas 15:17

Chaipimi paica cashna yuyarirca: “¡Ñuca yayapaj huasipi trabajajcunaca micunata atichicungacunami! ¡Ñucaca caipica, yaricaihuan huañucunimari!