Lucas 15:15 - Dios Rimashca Shimicunami

¹⁵ Chaimi chai llajtapi causaj shuj runapajpi trabajota mashcanaman rijpi, chai runaca paipaj haciendapi c'uchicunata michigrichun cacharca.

Mushuj Testamento Diospaj Shimi

¹⁵ Chashna puricushpami, chai llajta shuj runata catishpa causagrirca. Chai runaca, paipaj allpapi cuchicunata michinamanmi cacharca.

Lucas 15:15 Iomraidhean Croise

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ISAÍAS 1:5

¿Ima nishpataj ashtahuan llaquichishca cashun ninguichij? ¿Ashtahuan c'ariyashpachu caticushunlla ninguichij? Umacamamari chugri canguichij. Shungupish nanaihuan chaupiricujmari canguichij.

ISAÍAS 57:17

Mana israelcunapaj rurashcata munashpa paicuna shina millaita rurajpimi, p'iñarishpa llaquichircani. Ñuca ñahuita shujman churashpami paicunataca llaquichircani. Ashtahuanpish paicunaca ashtahuan ñucata c'ariyashpami, paicunapaj shungu munashca ñanta catircallacuna.

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

EZEQUIEL 16:52

Canca cambaj ñañacunatapish yalli juchata rurashcamantaca llaquichijpipish, chai llaquitaca apanami cangui. Cambaj juchacunahuan ch'imbapurajpica cambaj ñañacunapaj juchacunaca mana ima cashca shinami ricurin. Paicunaca manataj can shina yallitaj juchata rurarcacunachu. Canca chashna yallitaj juchata rurashcamantaca, pingachishpa muspachishcami cangui.

EZEQUIEL 16:63

Chaita yuyarishpaca, pingaringuimi. Can imalla rurashcacunata ñuca perdonajpica pingarishpami, cutinca mana imata rimangui” ninmi Mandaj Jatun Diosca.

NAHUM 3:6

Cambaj jahuapica millanana mapatami shitasha. Chai mapahuanmi cantaca tapachisha, jatun mapata shinami cantaca p'iñangacuna.

MALAQUÍAS 2:9

Ima shinami cancunapish ñuca yachachishcacunata mana cazushpa, ñuca mandashcatapish shujcunamanca shuj shina, caishujcunamanca shujtaj shina yachachircanguichij. Chaimantami cancunataca tucuicuna p'iñashca, sarushca causachun rurarcani” ninmi.

Mateo 7:6

Taita Diospajlla cajtaca, allcucunamanca ama cuichijchu. Ñataj tigrarishpa c'utsa c'utsata ruranman. Cancunapaj perlacunatapish, c'uchicunapaj ñaupajpica ama shitaichijchu. Paicunaca sarungallacunami.

Lucas 15:13

Chaimanta asha punllacuna q'uipaca, tucui pai japishcata c'atushpa cullquita tandachishpami q'uipa churica caru llajtaman rirca. Chaipimi pai apashcacunataca millaillapi causashpa tucuita chingachirca.

Lucas 15:14

Millaillapi tucuita tucuchishca q'uipaca, chai llajtapica jatun yaricai callarijpimi, paipish tucui ima illajlla yaricaihuan carca.

Lucas 15:16

Paica achca yaricaihuanmi carca. Chaimi cuchicuna micucun algarrobata micuiman yuyarca. Ashtahuanpish pi imata mana cararcachu.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.