Lucas 15:13 - Dios Rimashca Shimicunami

¹³ Chaimanta asha punllacuna q'uipaca, tucui pai japishcata c'atushpa cullquita tandachishpami q'uipa churica caru llajtaman rirca. Chaipimi pai apashcacunataca millaillapi causashpa tucuita chingachirca.

Mushuj Testamento Diospaj Shimi

¹³ Chashna cujpi asha punllacuna qʼuipa, cati churica tucui pai japishcacunata cʼatushpa, cullquita tandachishpami caru llajtaman rirca. Chai caru llajtapimi, millaita causashpa tucui pai charishcacunataca tucuchirca.

Lucas 15:13 Iomraidhean Croise

SALMOS 73:27

Quiquinmanta caruyajcunaca chingaringatajmi. Quiquinmanta ch'icanyajcunataca tucuicunata tucuchinguitajmi.

PROVERBIOS 18:9

Q'uilla runaca imatapish tucuchij runahuanca, quiquin huauquindij shinallatajmi.

PROVERBIOS 21:17

Ima shinapish aichapi cushicuj runaca, imapish illajmi causanga. Vinotapish, mishquijllata ashnaj jambicunatapish munajca, manataj charijyangachu.

PROVERBIOS 21:20

Yachaisapa runapaj huasipica, sumaj charinacunapish aceitepishmi tiyan. Ashtahuanpish ch'ahuan runaca, yanga tucuchinllami.

PROVERBIOS 27:8

Quiquin llajtamanta caruta rijcunaca, tazinta shitashpa rij urpi shinami.

PROVERBIOS 28:7

Mandashcata pajtachij churica, alli yuyaiyujmari. Ashtahuanpish micucujllacunahuan tandanacujca, yayatamari pingachin.

PROVERBIOS 29:3

Alli yachaita c'uyaj churica, yayatamari cushichin. Ashtahuanpish huainayaj huarmicunahuan puricujlla runaca tucui charishcatami tucuchinga.

PROVERBIOS 6:26

Huainayashcallahuan causaj huarmicunahuan churarij c'arica huajchayanllami, amulli tanda shinallami saquirin. Cusayuj huarmicarin alli causacuj runata huañuiman chayachinllami.

ISAÍAS 1:4

¡Aij, juchasapa gentecunalla. Yallitaj millaita aparishcacunalla. Millaicunapaj huahua huahuacuna. Yallitaj millaita rurana yuyailla cajcuna! Mandaj Diostamari saquircacuna. Huashamanmari tigrarishcacuna. Israelpaj jucha illaj Diostamari jatunta p'iñachishcanguichij.

ISAÍAS 22:13

Ashtahuanpish chashna ruranapaj randica yallitajmari cushicunguichij. Huagracunata huañuchishpa, ovejacunata huañuchishpa, aichata micushpa, vinota ubyashpaca: “Micushunchij ubyashunchij cayaca ñami huañugrinchij” ninguichijmi.

ISAÍAS 30:11

Mandaj Diospaj ñantaca saquichij, chai ñanta caticushcamantaca anchurichij. Israelcunapaj jucha illaj Diosmanta ñucanchij ñaupajpi rimanamantaca anchuichij” nincunami.

ISAÍAS 56:12

Paicunaca: “Shamuichij, vinota ubyashunchij, sidrahuan machashunchij. Cayapish cunan punlla shinallatajmi canga. Mana cashpaca ashtahuan yalli allipishmi canga” nincunami.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 2:31

Cunan punlla causacuj israelcunalla, caita uyaichij. Mandaj Diostajmi cashna nini: Can israelcunaca ñuca agllashcacunamari canguichij. ¿Ñucaca cancunapajca shitashca pamba shina, mana cashpaca amsa llajta shinachu carcani imatagari? ¿Imamantataj cancunaca: Cunantajca cacharirinchijtajmi, manataj cutinca cambajman tigrashunchu ninguichigari?

JEREMÍAS 2:5

Mandaj Diosca cashnami nin: “¿Cancunapaj yayacunaca ñuca ima mana allita rurajta ricushpataj ñucamanta anchurishpa, imatapish mana rurai tucuj, yanga dioscunata catishpa, yangacuna tucurcari?

MIQUEAS 6:3

Ñuca agllashcacunalla, ¿imata rurashpataj p'iñachircaniyari? Cancunata llaquichishca cajpica, rimaichigari.

Lucas 15:12

Chai ishquimanta q'uipa churimi yayataca: “Yaya, ñuca japina cashcata chaupishpa cuhuai” nijpimi, yayaca pai japina cashcata chaupishpa curca.

Lucas 15:14

Millaillapi tucuita tucuchishca q'uipaca, chai llajtapica jatun yaricai callarijpimi, paipish tucui ima illajlla yaricaihuan carca.

Lucas 15:30

Ashtahuanpish cambaj cai churica, tucui can cushcacunataca huainayashpa causaj huarmicunahuanmi tucuchimushca. Chashna rurajpirajmari paihuan cushicungapajca huirayashca bizita huañuchichishcangui” nircami.

Lucas 16:1

Jesusca paipaj yachacujcunamanpish cashnami nirca: “Shuj charij amomi tiyarca. Paica shuj mayordomotami charirca. Chai mayordomotaca amo imalla charishcacunata yanga tucuchicun nijtami amoca yachaj chayarca.

Lucas 16:19

Shuj charij runami tiyarca. Paica alli lino, morado churanacunallatami churarij carca. Jatun micuitapish punllantami ruraj carca.

Efesios 2:13

Ashtahuanpish cancunaca ñaupa punllacuna carupi cashca cashpapish, cunanca Cristopaj yahuarmanta, Cristo Jesushuan shujllata rurashpa Diosman c'uchuyachishcacunami canguichij.

Efesios 2:17

Pai shamushpami cancuna Diosmanta carupi cajcunaman, c'uchullapi cajcunamanpish, sumaj causaipaj alli huillaita huillarca.

2 Pedro 2:13

Chashnami paicuna millaita rurashcamantaca japina cashcataca japingacuna. Punllanta paicuna munashcata mana pingashpa rurashpa cushicushcamantami chashna japingacuna. Cancunapaj fiestacunapi micuicunaman rishpami chashna millaita rurancuna.