Lucas 14:21 - Dios Rimashca Shimicunami

²¹ Amopajta ruraj tigrashpaca, paipaj amomanca cayashcacuna imalla nishcatami huillarca. Chaimi amoca achcata p'iñarishpa paipajta rurajtaca: “Utca rishpa plazacunapi, pueblo ñancunapi caj imata mana charijcunata, mancocunata, cojocunata, mana ricujcunatapish caiman pushamugri” nirca.

Mushuj Testamento Diospaj Shimi

²¹ Chashna ninacujpica, amo cachashca runa tigramushpaca, paicuna imalla nishcatami amoman huillarca. Chaita huillajpimi, amoca achcata pʼiñarirca. Chashna pʼiñarishpami: ‘Cunantaj plazacunapi, pueblo ñancunapi puricuj huajchacunata, mana imata rurai tucuj ungushcacunata, patojocunata, ñahui mana ricujcunata, utca pushamugri’ nirca.

Lucas 14:21 Iomraidhean Croise

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 38:7

Chashna cashpami ñuca tucui huasha ruparishpa huañucuni. Ñuca aichaca ima mana sanochu.

ISAÍAS 33:23

Cambaj huascacunaca cacharirircami. Barcopaj jatun caspitaca ña mana chari tucurcachu. Barcopaj vela nishca linsotapish ña mana chutai tucurcachu. Chashna tucujpica cancuna imallata quichushcacunataca achcacunami chaupinacungacuna. Cojocuna camami cancuna quichushcacunataca quichushpa apangacuna.

ISAÍAS 35:6

Cojocunapish taruga shinami saltacungacuna. Mana rimajpaj c'allupish cantacungami. Shitashca pambacunapi allashpami yacuta llujshichinga. Shitashca pambapimari yacucuna callpacunga.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

ZACARÍAS 11:11

Chai punllamantami ari ninacushcata pajtachinaca chingarirca. Chaimantami ñucata ricuracuj canlla ovejitacunaca Mandaj Diospaj shimitaj cashcata yachaj chayarcacuna.

ZACARÍAS 11:7

Shina nijpimi, huañuchina ovejacunataca michircani. Paicunaca canlla ovejitacuna shinami carcacuna. Chai canlla ovejacunata michinapajca, ishqui caspitami japircani. Chai caspicunataca, shujtaca “Sumaj” nishca shutitami shutichircani. Caishujtaca, “Tandachij” nishca shutitami shutichircani.

Mateo 11:28

Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 15:12

Chashna nicujpi yachacujcuna c'uchuyashpaca: –Cai shimicunata nishcamanta fariseocuna p'iñaricujtaca ¿yachanguichu?– nircacunami.

Mateo 18:31

Chai amopajta ruraj caishujcuna chaita ricushpaca, achcata llaquirishpami paicunapaj amoman tucui ima tucushcacunata huillagrircacuna.

Mateo 20:7

Chaimi paicunaca: “Imata rurachun pi mana cunchu” nijpi, chagrayujca: “Cancunapish ñuca uvas chagraman richij, cancuna japina cashcata cushallami” nishpa cacharca.

Lucas 14:13

Jatun micuita rurashpaca, huajchacunata, mancocunata, cojocunata, mana ricujcunata cayangui.

Lucas 14:20

Shujtajca: “Ñucami cunanlla cazararcani. Chaimantami mana ri tucuni ninmi nigripai” nircami.

Lucas 14:22

Amopajta ruraj tigrashpaca: “Amito, can mandashca shinallatajmi pushamuni, manaraj jundanchu” nijpimi,

Lucas 14:24

Puntaman cayashcacunaca ñuca jatun micuitaca shujllapish manataj micungacunachu. Chaica chashnatajmi” nishpami parlarca.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Lucas 9:10

Apostolcunaca huillachun Jesús cachashcamanta tigrashpaca, tucui imalla rurashcatami paiman parlarcacuna. Chai q'uipami paicunata pushashpa, Betsaida pueblo c'uchulla pi mana causanman Jesusca rirca.

Juan 9:39

Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Hebreos 13:17

Cancunata michijcunata cazuichij. Paicuna mandashcatapish uyaichij. Diosman imalla rurashcata ricuchina cashcamantami, paicunaca cancunapaj almataca ricuracun. Imalla rurana cashcata cushicuihuan ama llaquirishpa rurachunmi chashna cazuna canguichij. Paicuna llaquirishca rurajpica ima allita mana japinguichijchu.

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

Apocalipsis 19:15

Tucui llajtacunapi causajcunata chugrichingapajmi paipaj shimimantaca puntasapa espada llujshirca. Paimi tucuicunata fierro varahuan mandanga. Tucuita Rurai Tucuj Diospaj p'iñarishca vinota capingapajmi uvacunata capinapi chaquihuan sarunga.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

1 SAMUEL 2:8

Mandaj Diosmi huajchataca allpamanta jatarichin. Paimi mañashpalla causajtapish ñucumanta llujshichin. Alli nishca tiyarinata cungapaj jatun mandajcunahuan chaipi tiyachingapajmi chashna ruran. Cai pachata aparijcunapish Mandaj Diospajmari. Paimi cai pachataca chai jahuacunapi churarca.

1 SAMUEL 25:12

Shina nijpi David cachashca mosocunaca paicuna maita shamushcallatataj tigrashpa Davidpajman chayashpaca Nabal tucui imalla nishcatami huillarcacuna.