Lucas 14:16 - Dios Rimashca Shimicunami

¹⁶ Jesusca: “Shuj runami jatun micuita rurasha nishpa achcacunata cayarca.

Mushuj Testamento Diospaj Shimi

¹⁶ Chashna nijpica, Jesusca cashnami nirca: —Shuj runami jatun micuita rurana tucushpa, achcacunata cayarca.

Lucas 14:16 Iomraidhean Croise

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

ZACARÍAS 10:7

Efrainpaj huahua huahuacunaca, c'ari c'ari macanacujcuna shinami canga. Paicunaca vinota ubyashpa cushicuj shinami cushicunga. Chaita ricushpaca, paicunapaj churicunapish cushicungacunami. Paicunaca Mandaj Dioshuan cashcamantami, achcata cushicungacuna.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.