Lucas 14:15 - Dios Rimashca Shimicunami

¹⁵ Chaita uyashpaca, Jesushuan micushpa tiyacujcunamanta shujca: –¡Taita Dios mandacujpi jatun micuipi micujca, cushichishcami canga!– nijpi,

Mushuj Testamento Diospaj Shimi

¹⁵ Jesús chashna nijta uyashpaca, meźapi Paihuan tiyacujcunamanta shujca: —Pipish Taita Dios mandacun jatun micuipi micujca, cushimi canga— nirca.

Lucas 14:15 Iomraidhean Croise

Mateo 25:10

Paicuna randinaman ringacamaca novio ña chayamujpica allichirishcacunaca noviohuan bodata rurana huasiman yaicujpimi, pungutaca huichcarca.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 13:29

Taita Dios ña mandacujpica, inti llujshinmanta, inti huashicunmanta janajmanta, uramantapish gentecuna shamushpami, micungapaj tiyaringacuna.

Lucas 22:16

Cancunaman huillanimi: Cai micunataca Taita Dios mandacunpi micungacama cutinca mana micushachu– nishpaca,

Lucas 22:30

Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.