Lucas 14:13 - Dios Rimashca Shimicunami

¹³ Jatun micuita rurashpaca, huajchacunata, mancocunata, cojocunata, mana ricujcunata cayangui.

Mushuj Testamento Diospaj Shimi

¹³ Ashtahuanpish jatun micuita rurashpaca huajchacunata, mana imata rurai tucuj ungushcacunata, patojocunata, ñahui mana ricujcunata cayangui.

Lucas 14:13 Iomraidhean Croise

2 SAMUEL 6:19

Chai q'uipaca tucui chaipi cajcunaman, tucui tandanacushca israelcunamanmi c'aricunamanpish, huarmicunamanpish cada shujman shuj tandahuan, mirga aichahuan, chaquichishca uvahuan rurashca shuj tandahuan cararca. Chaimantaca, tucuicuna paicunapaj huasicunaman rircallacunami.

2 CRÓNICAS 30:24

Chaipajca Judá llajtata jatun mandaj Ezequiasmi, chaipi tandanacushcacunamanca, 1.000 huagracunata, 7.000 ovejacunata cushca carca. Shinallataj mandajcunapish, 1.000 huagracunata, 10.000 ovejacunatami curcacuna. Chai punllacunapipish achca curacunami allichirishpa, Diospajlla tucurcacuna.

NEHEMÍAS 8:10

Chai q'uipaca: “Cunan punllaca Mandaj Diospajlla ch'icanchishcamari. Chaimanta richij sumajta allichishca micunacunata micugrichij. Mishquijlla vinotapish ubyagrichij. Micunata allichinapaj imata mana charijcunamanpish caraj cachaichij. Ama llaquilla caichijchu. Mandaj Dios cushichishcaca, cancuna fuerzayuj tucunapajmi” nircami Esdraspish.

NEHEMÍAS 8:12

Tucui israelcunami micunamanpish, ubyanamanpish, mana charijcunaman cunamanpish, jatunta cushicunamanpish rircacuna. Taita Dios mandashca shimicunata yachachishcata alli entendishcamantami chashna rurarcacuna.

JOB 29:13

Chingarigrijta ayudashcamantami, ñucataca bendiciarca. Viuda huarmi huacacujpipish cushichircanimi.

PROVERBIOS 14:31

Huajchata llaquijca, paita Ruraj Diostamari cushichin. Ashtahuanpish p'iñashpa llaquichijca, paita ruraj Diostamari llaquichin.

PROVERBIOS 22:9

Llaquishpataj huajchaman carajmanca, allicunatami cunga.

ISAÍAS 58:10

yaricaihuan cajcunaman cambaj micunata carajpi, llaquilla cajcunaman paicunapaj ima illashcata cujpica, can amsa cashcaca achijmi tucunga. Can amsa cashcaca chaupi punlla shinami canga.

ISAÍAS 58:7

Yaricaihuan cajman cambaj micunata caraj cangapaj. Huasita mana charij puricujcunaman pozachij cangapaj. Lluchulla cajta ricushpa churachij cangapaj. Cambaj huauqui ima llaquihuan cajta ricushca jahua, ñahuita ama shujman churaj cangapaj ayunachunmi mandarcani. Chaitaca ¿manachu yuyaringui?

Mateo 15:30

Jesús chaipi cajpica achcacunami, chulla chaqui illajcunata, mana ricujcunata, mana rimajcunata, chulla maqui illajcunata, shujtaj ungüihuan ungushcacunatapish pushamushpa, Jesuspaj ñaupajpi churajpi tucuicunata alliyachirca.

Mateo 22:10

Chaimi paipajta rurajcuna ñancunaman rishpaca, tucui ricurijcunatami, allicunatapish, mana allicunatapish tandachimujpi shamujcunaca boda huasipi jundarcacuna.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 14:12

Bodayujtapish Jesusca cashnami nirca: –Bodapi micuchun cayashpaca, canhuan alli apanacujcunallata, huauquicunallata, familiacunallata, c'uchullapi causaj achcata charijcunallataca ama cayanguichu. Paicunaca canta tigra cayashpa chashnallataj tigrachingallami.

Lucas 14:14

Paicuna mana tigrachi tucushcamantaca Taita Diosmi cantaca cushichinga. Ashtahuanpish cashcata rurajcuna causari punllapimi can cushcamantaca Taita Diosca cunga– nircami.

Lucas 14:21

Amopajta ruraj tigrashpaca, paipaj amomanca cayashcacuna imalla nishcatami huillarca. Chaimi amoca achcata p'iñarishpa paipajta rurajtaca: “Utca rishpa plazacunapi, pueblo ñancunapi caj imata mana charijcunata, mancocunata, cojocunata, mana ricujcunatapish caiman pushamugri” nirca.

Hechos 9:39

Chai runacuna “jacupai nijpica” Pedroca paicunahuan rircallami. Pai chaiman chayajpica, huañushca siricun ucumanmi pusharcacuna. Chaipica viuda huarmicunami Dorcas causacushparaj rurashca churanacunata Pedroman ricuchishpa huacarcacuna.

DEUTERONOMIO 14:29

Cancunapurapi ima allpata mana charij levitacuna, shujtaj pueblomanta shamushcacuna, yaya mama illajlla huahuacuna, cancuna causacunpi tiyaj viudacunami chai micunata micungapaj cancunapajman shamushpa huijsa pajtata micungacuna. Cancunapaj maquihuan imata rurajpipish chaipi Mandaj Dios allicunata cuchunmi chashna rurana canguichij.

DEUTERONOMIO 16:11

Mandaj Dios cancunapaj Taita Dios paipaj shutita churangapaj agllashpa paipaj shutita churashca pueblopi cushicunguichij. Chaipica, cancunapish, cancunapaj churicunapish, cancunapaj ushushicunapish, cancunapajta ruraj c'aricunapish, huarmicunapish, cancunapaj pueblocunapi causaj levitacunapish, shujtaj llajtamanta cajcunapish, yaya mama illaj huahuacunapish, cancunapurapi causaj viudacunapishmi Mandaj Dios cancunapaj Taita Diospaj ñaupajpi cushicuna canguichij.

DEUTERONOMIO 16:14

Chai jatun fiesta punllacunapica cancunapish, cancunapaj churicunapish, ushushicunapish, cancunapajta ruraj c'aricunapish, huarmicunapish, levitacunapish, shujtaj llajtamanta cajcunapish, yaya mama illaj huahuacunapish, viudacunapish cancuna causanpi causajcunaca tucuicunami cushicuna canguichij.

1 Timoteo 3:2

Ashtahuanpish obispoca mana juchachipaj cashnataj cachun, shuj huarmipajlla cusa, alli yuyaiyuj, yachaj, alli nishca, puzachij, yachachinapajtaj caj,

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

Tito 1:8

chaipaj randica puzachij, imapish alli cajta c'uyaj, alli yuyaiyuj, cashcata ruraj, Diospajlla caj, quiquinllataj jarcarij,

Filemón 1:7

Huauqui, canca c'uyaj cashcamantami jucha illajcunapaj shungutaca achcata cushichishcangui. Chaita yachashpami ñucanchijpish achcata cushicushpa imatapish ashtahuan rurashun ninchij.

Hebreos 13:2

Cancunaca puzachinataca, amataj cungaringuichijchu. Chashna puzachijcuna cashcamantami maijancunaca pi cashcata mana yachashpapish angelcunata puzachircacuna.