Lucas 14:1 - Dios Rimashca Shimicunami

¹ Jesusca samana punllapimi, fariseocunata pushaj fariseopaj huasipi micugrirca. Chaipi micucujpica, shujtaj fariseocunaca Jesusta imapi juchachingapaj nishpami chaparacurcacuna.

Mushuj Testamento Diospaj Shimi

¹ Chai qʼuipa shuj punllami Jesusca, mandaj fariseopaj huasipi micugrirca. Chai punllaca, sabadomi carca. Chaipi micucujpimi shujtaj fariseocunaca, Jesustaca imallatapish juchachinata mashcacurcacuna.

Lucas 14:1 Iomraidhean Croise

SALMOS 37:32

Diosta mana rijsijcunaca cashcata rurajcunataca, huashallami mashcan. Huañuchinatami yuyancuna.

SALMOS 41:6

Ñucata ricunaman shamushpapish llullashpallami parlancuna. Paicunapaj llaquipajllatajmi paicunapaj shungupica, millai yuyaicunata japincuna. Canllaman llujshishpaca, chaitami tucuicunaman huillancuna.

SALMOS 62:4

Jatun canamanta urmachingapajllami tandanacushpa jatarincuna. Llullatami c'uyancuna. Shimihuanca allimi cangui nijtucuncunami. Ashtahuanpish shungupica, llaqui tucushca canman nincunami. Selah

PROVERBIOS 23:7

Paica micunaman cayashpapish, shungupi millaita yuyashpallami cayanga. Micuilla ubyailla nishpapish, mana shunguhuantaj chashna ningachu.

Mateo 12:12

Runacarin ovejata maihuan yallimari. Chashna cashcamantami, samana punlla cajpipish allita ruranataca mandashcaca mana jarcan– nircami.

Marcos 3:2

Chai samana punllapi chai runata alliyachijpi, juchachingapajmi Jesustaca chaparacurcacuna.

Lucas 11:37

Jesús tucui parlashca q'uipami shuj fariseo runaca paipaj huasipi micunaman jacupai nijpi, Jesusca chaiman rishpa huasiman yaicushpa micungapaj tiyarirca.

Lucas 14:2

Chaipica tucui aicha punguishca runami Jesuspaj ñaupajpi tiyacurca.

Lucas 17:20

Fariseocunaca Jesustaca: –Taita Diosca ima punllamantataj mandai callaringari– nishpa tapujpi, Jesusca: –Taita Dios mandai callarinaca mana ricunallachu canga.

Lucas 20:20

Chaimantami ima mana allita nijpica, juchachishpa chai llajtata mandajman huillashpa japichishunpishchari yuyashpa, yachangapaj alli tapucuj shina Jesusta tapuchun runacunata cacharcacuna.

Lucas 6:7

Samana punllapi chai runata Jesús alliyachijpica juchachingapajmi, mandashcacunata quillcajcuna, fariseocunapish chaparacurcacuna.

Juan 3:1

Judiocunata mandajcunapuramanta Nicodemo shuti shuj runami tiyarca. Paica fariseomi carca.

Hechos 5:34

Mandajcunapuralla tandanacushcapica, Gamaliel nishca fariseomi tiyacurca. Paica Mandashcata jatun yachachij, tucuicuna alli nishcami carca. Pai shayarishpaca, apostolcunata ashacama canllaman llujshichichishpaca,