Lucas 13:7 - Dios Rimashca Shimicunami

⁷ uvas chagrata cuidajtaca: “Ña quimsa huata cajpimari, cai yurapi granota mashcaj shamurcani, manamari japinichu. ¿Imapajtaj yanga cai allpapica shayacungalla? ¡P'itishpa shitai!” nirca.

Mushuj Testamento Diospaj Shimi

⁷ Imata mana japishpaca, chagrata cuidajtaca: “Ñamari quimsa huatata cai yurapica, imata mana japini. ¿Imapajtaj yangaca cai allpapi shayacungalla? Pʼitishpa shitai” nircami.

Lucas 13:7 Iomraidhean Croise

ÉXODO 32:10

Cunantajca ñuca paicunata llaquichishpa tucuchingapaj saqui. Canmantami shuj jatun llajtata rurasha– nircami.

DANIEL 4:14

Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

LEVÍTICO 19:23

Canaaman ña chayashpaca, mishqui micuita p'ucuj tucui laya yuracunata tarpushpa, chai p'ucushcacunataca circuncisionta mana rurashca cashca shinata yuyanguichij. Chaicunaca quimsa huatatami circuncisionta mana rurashca shina mapa canga. Chai p'ucushca granocunaca mana micunachu canga.

LEVÍTICO 25:21

Ashtahuanpish sujta huatapi tarpujpimari, ñucaca tucuimanta yalli achca granocunata p'ucuchisha. Chai huatapica, quimsa huatacama micunapajmi p'ucunga.

Mateo 7:19

Mana alli granota p'ucuj yurataca, tucuicunatami p'itishpa ninapi shitan.

Lucas 13:8

Chaimi chagrata cuidajca: Amito, cai huatallahuan saquipai. Paipaj muyundij allpata cuyuchishpa, majadata churashpa ricusha.

Lucas 3:9

Mana p'ucuj yurataca sapimanta p'itishpami rupachin. Chashnallatajmi Diospish chai yura shina mana p'ucujcunata urmachingapaj hachataca yura sapipi ña churashca– nircami.

Juan 15:2

Ñucapi caj ramacuna maijanpish mana p'ucujpica anchuchingami. Maijanpish p'ucujpica, ashtahuan p'ucuchun mana allita anchuchirangami.

Juan 15:6

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.