Lucas 13:35 - Dios Rimashca Shimicunami

³⁵ Chaimantami cancunapaj huasica shitashca saquiringa. Ñucataca cunanmanta pachami: “Jatun Diospaj shutipi shamucuj, allimari cangui” nina punllacama manataj ricunguichij– nircami.

Mushuj Testamento Diospaj Shimi

³⁵ Riquichij, chaimantami cancunapaj huasica shitashca saquirin. Cancunaman huillanimi: “Mandaj Dios cachajpi shamucujta allimari cangui” nishpa chasquina punllacama, Ñucataca manataj ricunguichijchu— nircami.

Lucas 13:35 Iomraidhean Croise

SALMOS 118:26

Mandaj Diospaj shutipi shamujca, alli nishca cachun. Mandaj Diospaj huasimantami cancunataca alli ninchij.

SALMOS 69:25

Pai causacunca shitashca saquirishca cachun. Paipaj carpa huasicunapica pi ama causashca cachun.

ISAÍAS 52:7

¡Urcucunata shamushpa cushicui huillaita apamujpaj chaquica yallitaj sumajmari! Paica sumaj causaita, alli huillaita, quishpirinata huillashpami Sionmanca: “¡Cambaj Taita Diosmi mandagrin!” ninmi.

JEREMÍAS 22:5

Ashtahuanpish cunan ñuca mandashcata mana uyajpica, cai huasica shitashcami saquiringa. Ñucatajmi chashna nini ninmi ningui” nircami.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

ZACARÍAS 14:2

Jerusalenpi causajcunahuan macanacushpa mishangapajca, ñucami tucui llajtacunamanta tandachisha. Paicunami cai pueblotaca quichungacuna. Cancunapaj huasicunamantapish ima tiyajtami apangacuna. Cancunapaj huarmicunatapish llaquichingacunami. Cai pueblopi causajcunamanta chaupica, prezumi ringacuna. Chaupica, cai pueblollapitajmi saquiringacuna.

Mateo 21:9

Chai tucui ñaupashpa catishpa ricujcunaca: –¡Hosanna Davidpaj Churi! ¡Jatun Diospaj shutipi shamucujtami alli ninchij! ¡Hosanna cantaca jahua pachapipish alli nishca cachun!– nishpami caparircacuna.

Mateo 23:37

¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 19:41

Jerusalenman chayagrishpaca, chai pueblopi causajcunata ricushpa huacashpami,

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

Juan 12:13

Chaimantami yura ramacunata p'itishpa, Jesusta tupanaman llujshimushpaca: –¡Hosanna! ¡Israelcunapaj Jatun Mandaj, Jatun Diospaj shutipi shamucujtaca alli nishca cachun!– nishpa caparircacuna.