Lucas 13:34 - Dios Rimashca Shimicunami

³⁴ ¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Mushuj Testamento Diospaj Shimi

³⁴ ¡Ai, Jerusalenpi causajcunalla! Cancunaca, Dios ima nishcata huillajcunata huañuchijcunami canguichij. Cancunaman huillachun cachashcacunatapish, rumicunahuanmi shitarcanguichij. Tauca cutinmari mama atillpa huahuacunata cayashpa, ugllaj shina tandachisha nircani. Chaita rurasha nijpipish, cancunaca mana uyarcanguichijchu.

Lucas 13:34 Iomraidhean Croise

NEHEMÍAS 9:26

Ashtahuanpish paicunaca Diosta mana cazushpami colerachircacuna. Diostaca c'ariyarcacunami. Dios mandashcacunata saquishpami huashata ricuchircacuna. Diospajman cutirichij nishpa huillaj profetacunatapish huañuchircacunami. Chashnami yallitaj millananacunata rurarcacuna.

NEHEMÍAS 9:30

Paicuna chashna rurajpipish achca huatacunatami mana llaquichircangui. Paicuna quiquinpajman tigrarichunca quiquinpaj Espirituhuanmi quiquinpaj profetacunata huillachircangui. Ashtahuanpish paicunaca mana uyarcacunachu. Chaimi chai llajtacunapi causajcunapaj maquipi churarcangui.

SALMOS 149:2

Israelcuna, cancunata Ruraj Taita Dioshuan cushicuichigari. Siónpi causajcuna, cancunata Jatun Mandajhuan cushicuichigari.

SALMOS 17:8

Cambaj ñahui angelta shina cuidahuayari. Cambaj alas llandushca ucullapi pacahuayari.

SALMOS 36:7

¡Taita Dioslla, quiquin llaquij cashcaca yallitaj sumajmari! Chaimantami huañujlla aichayujcunaca, quiquinpaj alas ucupi miticuncuna.

SALMOS 57:1

Taita Dios ñucata llaquihuayari. Ñucata llaquihuayari. Ñuca almaca quiquinpimari shunguta churan. Quiquinpaj alas llandupimi miticusha. Llaquicuna tucuringacamami miticusha.

SALMOS 81:13

¡Ñucapajlla cajcunaca ñucata uyashca cajpica, israelcunaca ñuca yachachishca shina causashca cajpica!

SALMOS 91:4

Paipaj plumacunahuanmi cantaca pacanga. Paipaj alas ucupica imata mana manchashpami causangui. Paipaj mana llullaj shimica escudo shina, cara churana shinami huaquichinga.

ISAÍAS 30:15

Israelcunapaj jucha illaj Mandaj Jatun Diosca cashnami nin: “Ñucaman cutirishpa, ñucallahuan tucushpaca quishpichishcami canguichij. Ñucapi shunguta churashpa, casijlla causajpica muyujta pirca shinami casha” nircanimi. Ashtahuanpish cancunaca mana uyashpa,

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

JEREMÍAS 2:30

Ñucaca yangamari cancunapaj huahuacunataca macashpa llaquichishcani. Manamari alli tucunguichijchu. Cancunapaj espadacunahuanmari ñuca ima nishcata cancunaman huillajcunataca, jatun p'iña león shina tucuchircanguichij.

JEREMÍAS 26:23

Paicunaca Uriastaca, Egiptomanta llujshichimushpami, jatun mandaj Joacimpaj maquipi churarcacuna. Paica espadahuan huañuchichishpami, huajchacuna huañujpi pambana jutcupi shitachirca.

JEREMÍAS 35:14

Vinota ama ubyachun Recabpaj churi Jonadab mandashcataca, paipaj huahuacunaca manataj paquishcacunachu. Paicunapaj punta yaya mandashcata cazushpamari, cunancamapish vinotaca mana ubyashpa causashcacuna. Ñucacarin cancunataca ñaupamantapacha cai tucui huatacunatami rimani. Shina cajpipish, manataj cazunguichijca.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

LAMENTACIONES 1:16

Ñucata ayudashpa, ñuca almata samachijca ñucamanta caruyashcamari. Ñuca huahuacunatapish p'iñajcuna shamushpa, tucuicunata huañuchincunaca. Chaimantamari huacani, ñuca ñahuicunamantaca huiquica yacu shina llujshicunllamari.

LAMENTACIONES 4:13

Jerusalenpica paicunapaj huillajcuna, curacunamari yallitaj juchata rurarcacuna. Paicunamari cashcata rurajcunataca, cai pueblo chaupipi huañuchishpa yahuarta jicharcacuna. Chaimantamari chashna llaqui tucurcacuna.

OSEAS 11:2

Ñuca cayajpirajmari paicunaca ashtahuan ñucamanta caruyarcacuna. Baalcunamanmi animalcunata huañuchishpa curcacuna. Rurashcalla dioscunamanmi inciensota rupachircacuna.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

JOEL 2:23

Siónpi causajcunalla, cancunata Mandaj Taita Dioshuan cushicuichigari. Cancunamanca punta tamyataca tamyana punllallatajmi curca. Paimari punta tamyatapish, q'uipa tamyatapish ñaupaman cachashca shinallataj cancunamanca cachanga.

ZACARÍAS 1:4

Ama cancunapaj yayacuna shinallataj caichijchu. Dios ima nishcata punta huillajcunaca paicunamanca: Mana alli ñancunamanta, millaita ruranamantapish anchurichij ninmi tucuita Mandaj Diosca nishpami huillarcacuna. Chashna nishcatapish manataj cazurcacunachu, manataj uyarcacunachu.

Mateo 22:3

Chai mandajca bodaman cayashcacunata pushamuchunmi, paipajta rurajcunata cacharca. Ashtahuanpish paicunaca mana shamushun nircacunachu.

Mateo 22:6

Maijancunaca cachashca servijcunata japishpa, macashpami huañuchircacuna.

Lucas 15:28

Chaimi achcata p'iñarishpa mana yaicusha nijpi, paipaj yaya llujshishpaca yaicupai nishpa rogarca.

Lucas 19:44

Cai pueblotaca urmachishpa tucui caipi causajcunatapish huañuchingami. Huasi pircacunatapish shuj rumillatapish pircashcata mana saquingachu. Taita Dios ricuj shamujpi mana chasquishcamantami chashna tucunguichij– nircami.

Lucas 23:28

Chai huarmicunata Jesús tigrarishpa ricushpaca cashnami nirca: –Jerusalenpaj ushushicunalla, ñucamantaca ama huacaichijchu. Cancunallamantataj, cancunapaj huahuacunamantapish huacaichij.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.

Hechos 7:59

Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca.

Hechos 8:1

Sauloca, Estebanta huañuchijta ricushpaca allimi nircami. Chai punllacunallatajmi, Jerusalenpi caj tandanacushca crijcunataca llaquichina yuyailla tucushpa jatunta llaquichi callarircacuna. Chaimi tandanacushca crijcunaca tucuicuna caita chaita miticushpa Judea, Samaria llajtacunata rircacuna. Apostolcunallami mana maiman rircacuna.

DEUTERONOMIO 32:29

Caicunata entendingapaj yachaisapacuna cashpachari alli canman. Tucuripica ima tucuna cashcata yachashpachari alli canman.

DEUTERONOMIO 5:29

Paicunaca cunan ima shinami ñucata manchacun chashnalla ñucata manchaj shungulla cangapishchari. Chashna cashpa ñuca mandashcacunata punllanta huaquichishpami paicunapish, paicunapaj huahuacunapaj huahuacunapish tucuipi alli ringacuna.

Apocalipsis 11:8

Chai huillajcunata huañuchijpica, jatun pueblo plazapimi paicunapaj huañushca aichacunaca siricunga. Ñucanchijta Mandajtapish chai pueblollapitajmi chacatarcacuna. Chai jatun pueblopimi nishpaca Sodoma shina, Egipto shina cashcatami ricuchin.

RUT 2:12

Can chashna allicunata rurashcamantaca, Mandaj Diosmi canmanca allicunata cunga. Israelcunata Mandaj Dios paipaj alas ucupi canta huaquichichunmi mashcaj shamushcangui. Paimi tucui imalla cuna cashcataca cunga– nirca.