Lucas 13:33 - Dios Rimashca Shimicunami

³³ Shina cashpapish cunanpish, cayapish, cayapaj cayapish ñuca maiman ricushcamanca rinallami cani. Shuj profetataca shujtaj llajtapica mana huañuchinallachu. Jerusalenllapimi huañuchina.

Mushuj Testamento Diospaj Shimi

³³ Shina cajpipish cunanhuan, cayahuan, cayapaj cayahuanca Ñuca chayana cashcamanca rinallatajmi cani. Dios ima nishcata huillajca, shujtaj llajtapica mana huañuna canchu, Jerusalenpitajmi huañuna can.

Lucas 13:33 Iomraidhean Croise

Mateo 20:18

“Cunanca Jerusalenmanmi huichiyacunchij. Chaipimi Runa Aichayujtaca, curacunata mandajcunaman, mandashcata quillcajcunaman cungacuna. Paicunaca huañunami cangui nishpa,

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Lucas 9:53

Ashtahuanpish Jerusalenman ricujta yachashpami, chai gentecunaca mana chasquircacuna.

Juan 11:54

Chaita yachashpami Jesusca judiocunapaj paca pacalla puricushpaca, shitashca pamba c'uchulla llajtapi caj Efraín shuti puebloman rishpa, paipaj yachacujcunandij chaipi carca.

Juan 11:9

Chaimi Jesusca: –¿Manachu punllaca chunga ishqui horasta charin? Punllapi purijca, cai pachapaj luz achijyachicujpica mana ñitcanchu.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 13:27

Jerusalenpi causajcunapish, paicunata mandajcunapish Jesús pi cashcataca mana yacharcacunachu. Profetacuna quillcashcacunata samana punllacunapi rezashcata uyashpapish mana entendircacunachu. Chaimantami Jesusta huañuchishpaca profetacuna huillashcataca paicunallataj pajtachij tucurcacuna.