Lucas 13:32 - Dios Rimashca Shimicunami

³² Jesusca: –Richij, chai zorramanca cashna nigrichij: “Cunanhuan, cayahuan supaicunata llujshichishpa, ungushcacunata alliyachishpaca, quimsa punlla q'uipaca ñuca rurana cashcataca tucuchishallami”.

Mushuj Testamento Diospaj Shimi

³² Chashna nijpimi, Jesusca cashna nirca: —Richij, chai atujtaca cashna nigrichij: “Riqui, cunanhuan, cayallahuanmi supaicunata llujshichishpa cachasha, ungushcacunatapish alliyachisha. Cayapaj cayami Ñuca ruracushcataca tucuchisha” ninmi nigrichij.

Lucas 13:32 Iomraidhean Croise

CANTARES 2:15

Zorracunata jacu japishun, malta zorracunami uva chagrata tucuchicun. Ñucanchij uva chagraca cunan sisacunllamari.

EZEQUIEL 13:4

Israelcunalla, cancunaman huillajcunaca shitashca pambapi purij zorracuna shinallamari carcacuna.

SOFONÍAS 3:3

Jerusalenpi causajcunata mandajcunapish, paicunapaj chaupipica huacaricuj leoncuna shinami. Juezcunapish tuta purij atujcuna shinami cayandijpajca, shuj tullullatapish mana saquincunachu.

Marcos 6:14

Jesús tucui imalla rurashcacunaca tucuipimi yacharirca. Paipaj shutica tucuipi rijsishca tucujpi jatun mandaj Herodespish yachaj chayashpami: –Bautizaj Juanmari huañushcacunapaj chaupimanta causarishca canga. Paimari pi mana rurai tucuipajta ruracunga– nirca.

Juan 10:32

Chashna shitashun nijpimi Jesusca: –Ñuca Yaya mandajpi cancunapaj ñaupajpica cai tucui allicunatami rurarcani ¿maijan chaicunamantataj rumihuan shitashun ninguichij?– nirca.

Juan 19:30

Jesusca vinagreta ubyashpaca: –¡Ña tucuchishcami!– nishpaca, umata huarcushpa paipaj espirituta Taita Diosman mingashpa huañurcallami.

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

Hebreos 5:9

Chashna tucuita pajtachij cashpami, paita tucui cazujcunapajca huiñaipaj Quishpichij tucurca.

Hebreos 7:28

Mandashcaca, huañujlla gentecunallatami curacunata jatun pushaj cachunca agllachun nin. Ashtahuanpish Mandashcapaj q'uipaca, Diosca huiñaipaj ima pandata mana ruraj paipaj Churitami paipaj shimihuantaj curacunata mandaj curami cangui nishpa churarca.