Lucas 13:29 - Dios Rimashca Shimicunami

²⁹ Taita Dios ña mandacujpica, inti llujshinmanta, inti huashicunmanta janajmanta, uramantapish gentecuna shamushpami, micungapaj tiyaringacuna.

Mushuj Testamento Diospaj Shimi

²⁹ Taita Dios mandacunpi micungapajca, inti llujshinmantapish, inti huashicunmantapish, janajmantapish, uramantapishmi tandanacushpa, meźapi tiyaringacuna.

Lucas 13:29 Iomraidhean Croise

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

ISAÍAS 43:6

Janaj ladotaca: “Ñuca huahuacunata cachai” nishami. Ura ladotaca: “Ñuca huahuacunataca ama charicuillachu” nishami. Caru llajtacuna ñuca churicunata pushamuichij. Tucui cai pachapi tiyaj llajtacuna ñuca ushushicunata apamuichij.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Mateo 8:11

Cancunaman huillanimi: Inti llujshinmanta, inti huashicunmantapish achcacuna shamushpami, jahua pachamanta mandacunpica Abrahamhuan, Isaachuan, Jacobhuan tiyaringacuna.

Marcos 13:27

Pai shamushpaca paipaj angelcunatami cachanga. Paicunami Runa Aichayuj agllashcacunataca cai pachapi tiyaj tucui llajtacunamanta uramanta, janajmanta, tucuicunata tandachingacuna.

Lucas 13:30

Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.

Hechos 28:28

Chaimanta caita yachaichij: Cai quishpirinataca mana judiocunamanmi Diosca cachashca, paicunami uyangacuna– nircami.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.