Lucas 13:25 - Dios Rimashca Shimicunami

²⁵ Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami.

Mushuj Testamento Diospaj Shimi

²⁵ Punguta huasiyuj huichcashca qʼuipami, cancunaca canllamanta yaicusha nishpa: “Shamupashun, huasiyuj apu, yaicuchihuai” nicunguichij. Chashna nijpi huasiyujca: “Pipishchari canguichij, mana rijsinichu” ningami.

Lucas 13:25 Iomraidhean Croise

GÉNESIS 7:16

Chaipurallataj caj shuj c'ari, shuj huarmi animalcuna Taita Dios mandashca shinallataj huambuj huasiman ña yaicujpimi, Mandaj Diosca punguta huichcarca.

SALMOS 32:6

Chaimantami quiquinpajlla cajcunaca manaraj llaquichijpi quiquintaca mañan. Chaimi jatun yacu jundai shina shamushpapish, paipajmanca mana chayanga.

ISAÍAS 55:6

¡Mandaj Diostaca, japi tucuna cajpiraj mashcaichigari. Cancunapaj c'uchullapi cajpiraj cayaichigari!

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

Lucas 13:27

Ashtahuanpish huasiyujca: “Mana rijsinichu, nijtaca uyaichigari. Millaita rurajcuna caimanta anchuichij” ningami.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Lucas 6:46

“¿Ima nishpataj manapish ñuca nishcata rurashpa ñucataca: “Mandaj Jesús, Mandaj Jesús” ninguichigari?

2 Corintios 6:2

Diosca: “Chasquina punllapica, cantaca uyarcanimi. Quishpichina punllapica, cantaca quishpichircanimi” ninmi. Cunanmari chasquina punllaca, cunanmari quishpichina punllaca.

Hebreos 12:17

Chai q'uipaca, allicunata japinata yayaman mañashpapish, ñaupaman mana nishcamantaca mana japircachu. Esauca huacashpa mañashpapish mana imata rurai tucushcataca yachanguichijmi.