Lucas 13:19 - Dios Rimashca Shimicunami

¹⁹ Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.

Mushuj Testamento Diospaj Shimi

¹⁹ Dios mandacunca, mostaza muyu shinamari. Chai muyuca, shuj runa paipaj allpapi tarpujpica, huiñashpa jatun yurami tucun. Chai yurapica, pajarocunapish tʼaźinashpami causan— nircami.

Lucas 13:19 Iomraidhean Croise

CANTARES 4:12

Ñuca panilla, ñuca c'uyashca huarmiculla, huertata huichcashca shinamari cangui. Pugyu yacuta tapachishpa sellashca shinamari cangui.

CANTARES 4:16

Aquilón huaira jatariyari. Austro huairapish shamuyari. Ñuca huertata p'ucupaichigari. Mishquijllata ashnacujcunata tsirapaichigari. Ñuca c'uyashcaca paipaj huertaman shamuchunlla, mishquijlla frutacunata micuchunlla.

CANTARES 6:2

Ñuca c'uyashcaca huertamanmi rirca. Mishquijllata ashnacuj eramanmi rirca. Paipaj canlla ovejacunata huertacunapi michinamanmi rirca. Lirio sisacunata tandanamanmi rirca.

CANTARES 8:13

Huerta chaupipi causaj huarmilla, can rimashcataca canhuan purijcunamari uyashca. Ñucamanpish can rimashcata uyachihuayari.

ISAÍAS 53:1

¿Ñucanchij huillashcataca pitaj crishcari? Mandaj Dios paipaj maquihuan imallata rurana cashcataca ¿pimantaj ricuchishcari?

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

ISAÍAS 61:11

Ima shinami allpaca muyuta tarpujpica mushujta huiñachin, huertapi tarpujpipish ima shinami huiñachin, chai shinallatajmi Mandaj Jatun Diosca paicunataca tucui llajtacuna ricucunpi cashcata rurajcunata, paita alabajcunata ruranga.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 31:12

“Paicuna tigramushpaca, jatun cushicuihuan cantashpamari, Sión urcuman huichiyangacuna. Mandaj Dios cushca allicunata chasquingapajmi, callpashpa shamungacuna. Pai cushca tucui laya sumaj micunahuan, vinohuan, aceitehuan, ovejacunahuan, huagracunahuanmi cushicungacuna. Punllanta yacuta regashca huerta shina cushijllatami causangacuna. Manataj cutinca ima llaquita charingacunachu.

EZEQUIEL 31:6

Chai yura rama jahuacunapica, huairata purij alasyuj animalcunami tazinta rurarcacuna. Chai yura ucupica, pambata purij tucui laya animalcunami huacharcacuna. Chai yura llandujlla ucupica, achca llajtacunapishmi causarcacuna.

DANIEL 4:12

P'angacunaca sumajmi carca. Granopish yallitaj achcami carca. Paipi tiyaj micunaca tucuicunapaj pajtami carca. Chai yura llandupica, tucui laya animalcunami llanduricurca. Ramacunapica, huairata purij alasyuj animalcunami tazinta rurarcacuna. Causaita charij tucuicunaca paimantami micushpa causacurca.

DANIEL 4:21

Yurapaj p'angacunapish sumaj cajta, achca granocunayujta, chaipi caj micunaca tucuicunapaj pajtana cajta, chai yura ucupica tucui laya animalcuna cajta, ramacunapipish huairata purij alasyuj animalcuna tazinashcatami ricurcangui.

ZACARÍAS 2:11

Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.

Mateo 17:20

Jesusca paicunataca: –Cancunaca ashallata crijcuna cashcamantami mana llujshichi tucushcanguichij. Cashnatajmi nini: Uchilla mostaza muyu shinallatapish crinata charishpaca, cai urcutapish: “Caimanta chaiman ri” nijpica, rinmanmi. Imapish mana sinchi canmanchu.

Marcos 4:30

Jesusca cashnapishmi nirca: “Taita Dios mandagrintaca ¿Imahuantaj ch'imbapurashun? Mana cashpaca ¿maijan yuyachij parlohuantaj ch'imbapurashun?

Lucas 17:6

Chaimi Mandaj Jesusca: –Uchilla mostaza muyu shinallatapish crishcata charishpaca, cai sicómoro yurataca: “Sapindij llujshishpa, mama cuchapi tiyarigri” nijpica cazunmanllami.

Hechos 2:41

Chai huillashcata cazujcunaca bautizarircacunami. Chai punllaca, quimsa huaranga shinami mirarishpa caishuj crijcunahuan tandanacurcacuna.

Hechos 21:20

Chaita uyashpaca, tucuicunami Taita Diostaca jatunyachircacuna. Chashna nishca q'uipami Pablotaca: –Riqui, huauquicu, huaranga huaranga judiocunami crij tucushcacuna. Tucui chaicunaca: “Mandashcataca pajtachinatajmi canchij” nicuncunami.

Hechos 4:4

Chashna rurajpipish paicuna huillashcata uyajcunaca achcacunami crircacuna. C'aricunallami pichca huaranga shina carca.

Romanos 15:19

Diospaj Espiritupaj poder rurachijpimi poderyuj ricuchinacunata, mancharinacunatapish rurarcani. Chashnami Jerusalenmanta callarishpaca, tucui llajtacunapi Iliricocama Cristomantaca alli huillaita huillashpa jundachircani.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.