Lucas 13:17 - Dios Rimashca Shimicunami

¹⁷ Jesús chashna nijpica tucui paita p'iñacujcunami achcata pingarircacuna. Ashtahuanpish chai tucui achcacunaca Jesús chai alli sumajcunata rurajta ricushpaca achcatami cushicurcacuna.

Mushuj Testamento Diospaj Shimi

¹⁷ Jesús chashna nijpica, tucui Paita pʼiñajcunaca achcatami pingarircacuna. Cutin chaipi caj shujtajcunaca, Jesús chai tucui sumaj allicunata rurajta ricushpaca, achcata cushicurcacunami.

Lucas 13:17 Iomraidhean Croise

SALMOS 109:29

Ñucata p'iñajcunaca yanganchishca canahuan churarishca cachun. Jahua churanaca musparishca canahuan churarishca cachun.

SALMOS 111:3

Pai imalla rurashcacunaca jatun sumajmari. Pai cashcata ruranaca huiñaipajmari.

SALMOS 132:18

Paita p'iñajcunamanca musparina churanatami churachisha. Ashtahuanpish Davidpaj umapica coronami sisanga” nircami.

SALMOS 40:14

Ñucata huañuchishpa chingachingapaj mashcajcunaca pingachishca cachun, muspachishca cachun. Ñucata llaqui tucushca cachun nicujcunataca huashaman tigrachishca cachun. Pingachishca cachun.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ISAÍAS 4:2

Chai punllacunapica Mandaj Dios retoñachishca yuraca alli nishca canapaj, jatun nishca canapajmi canga. Chai llajtapi p'ucushca granocunaca saquirij israelcunata jatun nishca alli nishca canapajmi canga.

ISAÍAS 45:24

Ñucataca cashnami ningacuna: Cashcata ruraj canapish, fuerzapish Mandaj Diospitajmi tiyan ningami. Mandaj Diospajman shamushpa nina sindirij shina p'iñarijcunaca tucuicunami pingachishca cangacuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

Lucas 14:6

Jesús chashna nijpica, paicunaca imata mana cutichi tucurcacunachu.

Lucas 18:43

Shina nincami ricuita chasquishpa, Taita Diosta sumajyachishpa Jesusta catirca. Tucui chaipi cajcunapish ricushpaca, Taita Diostami alabarcacuna.

Lucas 19:48

Ashtahuanpish tucuicuna pai huillashcata alli uyacujpimi, imata mana rurai tucurcacuna.

Lucas 20:40

imata ashtahuan mana tapui tucurcacunachu.

Hechos 4:21

Paicuna pi mana rurai tucuipajta rurajta ricushpa, tucuicuna Taita Diosta allimari cangui nicushcamantami ima shina mana llaquichi tucurcacuna. Chaimantami chai runamantaca ñataj piman huillanguichijman nishpa manchachishca q'uipaca cacharishpa cacharcallacuna.

2 Timoteo 3:9

Ashtahuanpish chaicunaca mana unitachu umashpa causangacuna. Moisesta mana cazuj ch'ahuancunata shinallatajmi, paicuna umacushcataca tucuicuna yachaj chayangacuna.

Tito 2:8

Mana juchachipaj sumaj shimicunahuan rimangui. Chashna cajpimi p'iñajca, pingarishpa cancunataca mana allicunami nishpa mana juchachi tucunga.

1 Pedro 3:16

alli yuyaiyuj caichij. Cancuna Cristohuan shujlla cashpa, alli causajta ricushpa millaita rurajcunata shina juchachishpa rimajcunata pingachingapajmi chashna cana canguichij.